Акъмесджитнинъ меркезий Кебир джамисинде  Алиме Абденнанова – Русие Федерациясынынъ къараманы, истихбаратчы, Улу Ватан дженки иштиракчисининъ хатырасына багъышлангъан джума намаз кечирильди.

Алиме Абденнанова фашистлер тарафындан 1944 сене апрельнинъ 5-де джанаварджа ольдюрильген эди. Къырым Русие иле бирлешкен сонъ 2014 сене сентябрьнинъ 1-де Владимир Путин арбий истихбаратчыгъа Русие къараманы унваны берильмеси акъта къарар  имзалагъан эди.

Алиме 1924 сене январьнинъ 4-де Керичке янъын ерде адий ишчи Сеит-Осман Борасановнынъ къорантасында дюньягъа кельди.

1943 сене о истихбарат малюматларны топламакъ ичюн тахлиеден тувгъан Къырымгъа ёлланылгъан эди. Алиме истихбарат мектебинде тасиль алгъан эди, парашют-десант азырланувдан кечти, бундан сонъ несмелер иле ишгъаль этильген Къырымгъа учакънен тюшюрильген эди.

Русие къараманы Алиме Абденнанова

1943 сене октябрь айындан башлап 1944 сененинъ февраль айынадже Абденнанова Меркезге 80-ден зияде малюмат хабер ёллады, оларнынъ мундериджеси муим эди. 1944 сене февраль айында Керич ярымадасында чалышкъан  радиостанцияны къайд эттилер.  Радист къыз фашистлерге Алименинъ сырыны ачты. Истихбаратчыны пек къыйнадылар ве 1944 сененинъ апрель 5 куню атып ольдюрдилер. О, 19 яшта эди.
2015 сене  февраль айында  «Къырым эфсанеси», яни «Крымская легенда» серлевалы весикъалы фильм чыкъты. О, Алиме Абденнанованынъ аяты ве джесарети акъта тариф эте. Онынъ адыны Акъмесджит, Керич ве Кефе шеэрлеринде сокъакълар, эм де Еди къую къасабасында парк ташый.