Акъмесджитли Эмин Сефершаевнинъ Токиода Олимпиада-2020 чыкъышта булунмакъ шанслары къырым курешчилери арасында энъ юксектир. Соравнынъ нетиджелери тамам буны косьтере. Соравны Къырым Джумхуриети спорт куреш федерациясынынъ ресмий сайты кечирди.

Умумен соравда 846 адам иштирак этти. Сефершаев рейлернинъ 46,5 файызыны къазанды (393 рей).
2017 сене Сергей Попенковнынъ 19-яшлы талебеси Авропа (Дортмунд, Алмания) юниорлар биринджилигининъ кумюш гъалиби ве дюнья (Тампер, Финляндия) юниорлар биринджилигининъ тунч гъалиби олды. Бу къышта исе биринджи буюклер ярышында — Краснодарда кечкен "Иван Поддубный" халкъара Гран-при ярышында — тунч мукяфат къазанды. Токио-2020 тедбирине Сефершаев озь спорт карьерасынынъ энъ пишкинлешкен девирине етмек керек.
Спорт куреш боюнджа 2020 сене Къырымнынъ беш олимпик умюти сырасына эм де бу спортчыылар кирдилер: Акъмесджит сакинлери Анзор Закуев (сербест куреш, 8,9 файыз, 75 рей) ве Рустем Сулейманов (юнан-рома куреши, 5,2 файыз, 44 рей), Алушта сакини Азамат Сеитов (юнан-рома куреши, 5 файыз, 42 рей) ве Вероника Гурская Акъмесджиттен (къадынлар куреши, 4,5 файыз, 38 рей).
crimeansport.ru