Булгъаристаннынъ пайтахтында, София шеэринде, бокс боюнджа аньаневий (сайы боюнджа энди 69-нджы) "Мемориал Странджа"адлы халкъара турнир екюнленди. Ярышларда эм эркеклер, эм де къадынлар иштирак эттилер.

Къадын-къызлар арасында Акъярлы Елена Гапешина 75 килогъадже чеки категориясында тунч мукяфат къазанды.
Умумен Русие джыйма такъымынынъ топламында он мукяфат: 4 медальни эркеклер къазандылар (1 алтын, 2 кумюш ве 1 тунч) ве 6 — къадынлар (1 алтын, 2 кумюш ве 3 тунч).
"Мемориал Странджа" адлы турнирде 31 мемлекеттен аман-аман 300 спортчы иштирак этти.
crimeansport.ru