Акъмесджитте бир афта девамында сантырач боюнджа Къырым чемпионаты кечти, деп хабер эте КъДж сантырач федерациясынынъ ресмий сайты.

Классик сантырачта эркеклер арасында 39 иштиракчи курешти. Джумхуриет чемпионы Акъмесджит сакини Валерий Шемякин олды. "Кумюш"ни — Максима Павлов къазанды (о, Шемякинден бек къошма косьтергичлер боюнджа артта къалды), "тунч" — Алексей Алексеевге берильди (7 очко), олар экиси де Къырым пайтахтыны такъдим этелер.

"Классика" боюнджа 18 къадын ярышлаштылар. Бу ярымаданынъ энъ кучьлю сантырач оюнджылары. Къырым чемпионы унваныны къадынлар арасында Анастасия Мухтарова (Акъмесджит) къазанды. Экинджи ерге Анастасия Сурпина (Акъмесджит) наиль олды, учюнджи ерге исе — Виктория Шаповалова (Кезлев) чыкъты.

Тез сантырачта эркеклер арасында Александр Трускавецкий (Акъмесджит) энъ кучьлю чыкъты, Григорий Козлов (Башкъортостан) ве Валерий Шемякин (Акъмесджит) экинджи ве учюнджи ерде. Къадынлар арасында къошма косьтергичлер боюнджа Марина Каменская (Ялта) гъалип чыкъты, экинджи ерге Виктория Мухтарова ве учюнджи ерге — Анастасия Сурпина чыкътылар (экиси де — Акъмесджит).

Ве ниает, блиц ярышында эркеклер арасында Къырым чемпионы Кезлев сакини Михаил Линкер олды. Кумюш медаль Валерий Шемякинге берильди, тунч — Илья Дерябинге (эсис де — Акъмесджит). Къадынлар арасында биринджи учь ерге тек Къырым пайтахтынынъ сакинлери наиль олдылар — Виктория Мухтарова (биринджи ер), Анастасия Мухтарова (экинджи) ве Анастасия Сурпина (учюнджи).
crimeansport.ru