Къырымнынъ джыйма такъымы эр кезни айретте къалдырып, Нефтеюганскта (Ханты-Мансийск мухтарий округ-Югра) екюнленген сербест куреш боюнджа XIV Халкъара турнирде экинджи умумтакъым ерге чыкъты. Мукяфатларны Русие спорт куреши федерациясынынъ вице-президенти Владимир Семенов такъдим этти.

КъДж спорт куреш Федерациясынынъ матбуат-хызметине Къырым джыйма такъынынъ сербест куреш боюнджа баш идманджысы Игнат Грек хабер эткенине коре, Къырым такъымынынъ активинде беш медаль — бирер "алтын" ве "кумюш", эм де учь "тунч".

Акъмесджитли халкъара класс спорт устасы Виктор Рассадин 65 килогъадже чеки категорияда гъалип чыкъты.
Даа бир Акъмесджит сакини, Расул Машезов, 57 килогъадже кумюш мукяфаткъа наиль олды.

"Тунч" иле эвге Акъмесджитлилер Шамиль Омаров (61 килогъадже) ве Анзор Закуев (70 килогъадже), эм де Алушта сакини Сослан Хинчагов (125 килогъадже) къайталар.
Биринджи умумкъырым ерни Нефтеюганск курешчилери алдылар, учюнджи ерде Ханты-Мансийск мухтарий округы — Югра ерлешти.

Бу сене илькиде Гран-при UWW статусында кечкен Владимир Семеновнынъ мукяфатларына халкъара турнирде Русие, Канада, Тунис, Исраиль, Алмания, Венгрия, Къазахстан, Къыргъызстан, Украина, Азербейджан, Туркие, Эрменистан ве Таджикистан курешчилери иштирак эттилер.