Къырымнынъ Дженюбий пайтахтында «Къырым Джумхуриет къаягъа тырмашув федерациясы» Региональ джемиет спорт тешкилятынынъ имаеси алтында къаягъа тырмашув боюнджа ярышлар кечти. Стартларда алты такъымдан юзге якъын тырмашыджылар иштирак эттилер: Ялта, Акъмседжит, Акъяр, Партенит, Геленджик векиллери. Боулдеринг — къаягъа тырмашувнынъ фени, бу юксек олмагъан, амма муреккеп трассаларны такъдим эте.

Ярышлар Ялта альпинистлерининъ ве къаягъа тырмашыджыларнынъ еди несиль векиллерини топладылар: спортчылар, идманджылар, спорт акемлер, ана-бабалар ве сейирджилер. Тантаналы ачылувда Ялталы альпинизм ве къаягъа тырмашув ветеранлары яш спортчыларны селямладылар: 1961 сене Ай-Петриге котерильген къаягъа тырмашыджы Олег Шевчук; 1966 сене «Шаан-Кая» дагъына котерильген, къаягъа тырмашув боюнджа спорт устасына намзет Михаил Резниченко; альпинизм боюнджа СССР спорт устасы Владимир Кулямин. Генч къаягъа тырмашыджылар да ветеранлардан багъшышлар эльде эттилер.

Йигитлер ве къызлар учь яш группаларында ярышлаштылар. Нетиджелер боюнджа гъалиплер бельгиленди: Андрей Паршутин, Мария Говорченко, Владимир Ергишев, Екатерина Кривуля, Анастасия Перова (Ялта ш, идманджылар: Маргарита Панфёрова, Басья Давидова-Айзенберг), Кристофер Желяев (Геленджик ш.). Экинджи ерлерни Егор Горенюк (Акъмесджит ш), Андрей Савельев, Елизавета Новак, Александр Белый, Мария Ершова, Софья Паршутина адлылар. Учюнджи ерге Александр Яковлев, Вероника Анисимова, Антон Паршутин, Елизавета Перова, Владислава Лебедева, Станислав Осадченко (Ялта ш) наиль олдылар.

«За волю к победе» махсус куплары иле Аглая Филиппова (Ялта ш,7 яш) ве Кристофер Желяев (8 яш, Геленджик ш) къайд этильди.

Эркеклер арасында Купнынъ гъалиплер: биринджи — Алексей Власенко (Акъмесджит ш), экинджи — Андрей Паршутин (Ялта ш, «ЯФАиС»), учюнджи ерде — Владимир Виноградов (Ялта ш, «ЦС ЯФАиС»). Къадынлар арасында биринджи ерге Анастасия Павленко, экинджи ерге — Елена Матяк-Яблучкина, ве учюнджи ерге — Лолиты Давидова-Айзенберг наиль олдылар.
Умумен 24 медаль даркъатылды. Энъ чокъ медаллерни Ялта шеэрининъ «ЯФАиС» такъымы эльде этти: 4 «алтын», 6 кумюш ве 7 тунч. Экишер медаль Акъмесджит ве Акъяр векиллери къазандылар. Бирер медаль — Геленджик, Партенит ве Ялтанынъ экинджи «ЦС ЯФАиС» такъымында.

Къаягъа тырмашув боюнджа энъ кучьлю учь такъым бойле ерлештилер: 1 ер — Ялтанынъ «ЯФАиС» такъымы — 665 балл, экинджи ерни Партенит къасабасынынъ яш такъымы алды — 210 балл, учюнджи ерни — акъярлылар, 174,5 балл.
«Ялтанынъ альпинизм ве къаягъа тырмашув федерациясы» матбуат-хызметининъ малюматы боюнджа