Акъмесджит сакини Александр Тряпишко 18 яшкъадже спортчылар арасында дюнья биринджилигининъ кумюш гъалиби олды. Ярышлар Уругвайнынъ Монтевидео шеэринде екюнленди, деп, хабер эте Къырым Джумхуриет сантырач федерациясынынъ матбуат-хызмети хабер эте.

Бу яш категориясында унван къазанмакъ ичюн 62 спортчы курешти. 11 турнынъ нетиджеси боюнджа (исветчия системасы) Тряпишко 8,5 очко къазанды ве гъалипке — Перудан кельген Эдуард Хосеге Мартинес Алькантареге тек къошма косьтергичлер боюнджа юткъузды. Учюнджи ерни Эквадорлы Кевин Нобоа къазанды (8 очко).
Александр Тряпишко дюнья биринджилигинде эки йылдан берли «кумюш» къазана.
Тамам шу яш категориясында къызлар ярышында Маргарита Потапова (дюнья биринджилигининъ дебютанты) секизинджи ерни алды.

Энъ кучьлюлер эм де 14 ве 16 яшлы спортчылар арасында бельгиленди.
16 яшкъадже эрифлер арасында русиели Андрей Есипенко энъ гузель олды. Умумен Русие бу биринджиликте 5 медаль топлады (1 алтын, 3 кумюш ве 1 тунч).