Ялта спортчылары маса тениси боюнджа Къырым Бала лигасынынъ биринджи турларында гъалип чыкътылар. 2017-2018 мевсим Къырым Джумхуриет генчлер такъым биринджилигининъ биринджи турнынъ оюнлары Къырымнынъ дженюбий пайтахтында маса тениси мектебининъ залында эки яш категорясы боюнджа кечти: кичиклер (2006 сенеси догъгъанлар) ве уйкенлер (2004-2005 сенелери догъгъанлар).

Кичиклер группасы боюнджа турнирде иштирак этмек ичюн 9 такъым истек бильдирди — едиси Ялтадан, эм де Кефе шеэринден ве Туватай коюнден. Эсас куреш ялталылар арасында олды, нетиджеде оларнынъ дёрти финалгъа чыкъты. Нетиджеде ДЮЦ-1 такъымы гъалип чыкъты, онынъ теркибинде: Вера Червонопольская (2007), Александра Койнова (2006) и Никита Хохлов (2006). Экинджи ерде — СК Ялта-8 (Дмитрий (2007) ве Никита (2008) Чекаловлар ве Владислав Юрьев (2008)), учюнджи ерде — Ялта орта тасиль мектеби (София Демидова, Кирилл Кирющенков, Ольга Блохина, Кирилл Опрышко (эписи — 2006)).
Уйкен группада къонакъбайларгъа Акъмесджитнинъ биринджи такъымы джиддий ракъиплик этти, олар финалгъа еттилер. Бу ерде Владислав Тиханов Сергеей Семышевны енъгени аль этиджи олды, бу гъалебе ялталыларнынъ ДЮЦ-1 такъымына мувафакъиет кетирди, эсап 3:2 олды. Турнынъ гъалиплери Владислав Тиханов (2005), Вера Червонопольская (2007) ве Михаил Заярский (2004) олдылар. Экинджи ерни къазангъан финалист Акъмесджит такъымы олды: Данил Пыльник (2005), Сергей Семышев (2005) ве Олег Галушкин (2004). Учюнджи ер ичюн матчта Ялтанынъ орта тасиль мектеби (Павел Размысловский, Глеб Гузенко ве Дмитрий Поляков (эписи — 2004)) СК Ялта-7 такъымыны енъди. Умумен уйкенлер категориясында 13 такъым къатнашты: он такъым Ялталы, эки Акъмесджитли такъым ве бир Кефеден кельген такъым.

Эки яш категрияларында чемпионлар 2018 сененинъ бааринде дёрт тур нетиджесинде белли оладжакълар. Кечкен сене де турнирлер эки группада кечирильген эди: 2003 ве 2005 сенелери догъгъанлар. Уйкенлер турниринде Ялталы ДЮЦ-1 такъымы чемпион олды, кичиклер арасында исе — Акъмесджитнинъ № 3-1 отра тасиль мектеби.
msport.rk