Къырымнынъ джеюбий ялысында, Гаспрада дзюдо боюнджа «Лето 2017» серлевалы XXII аньаневий турнир мувафакъиет иле екюнленди. Ярышнынъ тешкилятчылары оларакъ «Титан» адлы бала-генч спорт клубы ве Ялта дзюдо федерациясы чыкътылар.

Къырымлалардан гъайры, тутушувларда Майкоп, Нальчик, Москва, Воронеж, Ставрополь, Санкт-Петербург, Ижевск шеэрлеринден, ДНР-ден эм де Венгриядан кельген бир иштиракчи озь усталыгъыны ве алышкъанлыкъларыны нумайыш эттилер. Ярышлар иштиракчилернинъ севиеси — юксек, спортчылар озь виляетлеринде ве джумхуриетлеринде чемпионлар ве гъалиплер олалар.

Гъалиплерни турнирнинъ баш акеми, Дженюбий федераль округ акемлери коллегиясынынъ реиси Игорь Вержбицкий, «Титан» клубынынъ тесисчиси ве ребери, Ялта дзюдо федерациясынынъ вице-президенти Сергей Рыбальченко, Къырым Джумхуриетинде Русие дзюдо федерациясынынъ векили Владимир Кондратов ве акемлер коллегиясы мукяфатладылар.

Ялта дзюдо федерациясынында тербие алгъанлар дегерли курештилер: биринджи куню Евгений Михеев ве Григорий Лукащук «кумюш» къазандылар, Олег Борисов — тунч медальни эльде этти. Евгений Степанов ве Андрей Чигринский турнир таблосында — дёотюнджи ерлерде. Ялта сакинлери Ян Халифе ве Даниил Рогожин «тунч» къазандылар. 42 ве 46 килогъадже чеки категорияда Гаспра сакинлери Владимир Данилишин ве Даниил Регинов чемпионлар олдылар. Иван Ковалев «кумюш», Анатолий Ромашка исе тунч медаль къазандылар.