Москвада G-1Russia Open 2017 класс тхэквондо ВТФ боюнджа VII халкъара турнирде джумхуриетни бизим джыйма такъыъмымыз теркибинде такъдим эткен Къырымлылар, №8 ДЮСШ мектебининъ талебелери Сергей Сподарь ве Иустина Шагако пхумсэ техник комплекси боюнджа бир къач медаль къазандылар.

Ярыш иштиракчилерининъ умумий сайысы дюньянынъ 29 мемлекетинден (Дженюбий Корея, Туркие, АКъШ, Кипр, Австралия) беш юзден зияде спортчыны тешкиль эттилер. Ачылув мерасиминде Русие спорт назири Павел Колобков, умудюнья тхэквондо ВТФ федерациясынынъ президенти, доктор Чонг Вон Чо, Русие Тхэквондо Бирлигининъ президенти Анатолий Терехов ве дигерлер иштирак эттилер.

Ярышнынъ биринджи куню шахсий чыкъышларда Иустина Шагако (онынъ идманджысы — Сергей Сподарь) тунч медаль къазанды, ве тек Финляндиядан кельген спортчыгъа ве Москвадан кельген Авропа биринджилигинде мукяфат къазангъан спортчыгъа ёл берди. Чифт ве такъым чыкъышларда къырымлы спортчыгъа тенъ ракъип олмады, нетиджеде о, эки алтын медаль эльде этти. Ярышнынъ экинджи куню 18 яштан буюклер арасында медаллер даркъатылды. Чифт чыкъышларда №8 ДЮСШ мектебинде тхэквондо ВТФ болюгининъ уйкен идманджысы Сергей Сподарь тунч медаль къазанды, такъым чыкъышларында исе — «кумюш» эльде этти.
msport.rk.gov.ru