Ялта спортчысы Вера Ребрик енгиль атлетика боюнджа Русие чемпионатында мырзакъ атув ярышларында биринджи ерни алды. Чемпионат джума эртеси куню, июльнинъ 30-да, Жуковский шеэринде (Москва виляети) кечти.

Директор Училища олимпийского резерва в Крыму Игорь Уваров и глава Крыма Сергей Аксенов (слева направо)
И. Уваров: Эр спорт чешитинде РФ джыйма такъымында векиллеримиз бар

Енгиль атлетчининъ нетиджеси — 61 м 40 см — онынъ энъ якъын ракъиби,  Санкт-Петербургтан  Ксения Зыбинанагъа бакъкъанда аман-аман 6 м (55,24 м) гузельдже олды. Учюнджи ерге 55,04 м нетидже иле Воронеж виялетинден  Мария Сафонова чыкъты.

Вера Ребрик ичюн бу энди Русие чемпионатында учюнджи алтын, эписи бир бири артындан.  

Энди Ялта сакини енгиль атлетика боюнджа дюнья чемпионатында иштирак этеджек. Тедбир августнынъ 4-ден 13-не къадар Буюк Британиянынъ пайтахтында Лондра шеэринде кечеджек.  

Енгиль атлетика боюнджа Русие чемпионаты  Москвагъа якъын ерлешкен Жуковск шеэринде июльнинъ 28-30 куньлери  кечти. Къырымнынъ даа бир векил, Руслан Перестюк, 100 метрге чапувда мемлекетте мевсимнинъ энъ гузель вакъытыны косьтерди, амма медаллер къазанып оламады.