Къырым сакини куреш боюнджа дюнья чемпионатында Русиени такъдим этер
Къырым сакини куреш боюнджа дюнья чемпионатында Русиени такъдим этер
2017/18 мевсим Къырым футбол бирлиги (КъФБ) премьер-лигасы  учюнджи чемпионатынынъ иштиракчи-такъымлары невбет бельгиленювининъ мерасими джума акъшамы куню, августнынъ 3-де Акъмесджитнинъ джумхурий матбуат-меркезинде олып кечеджек.  

Онынъ нетиджелери боюнджа чемпионат такъвими тизиледжек, деп, хабер эте бирликнинъ матбуат-хызмети. Эм де шу куню джумхуриет суперкубогы огърунда матчта мейдан саиби бельгиленеджек, оюн озю исе августнынъ 12-де, Къырым пайтахтында кечеджек.

Невбет бельгиленюв кетишатыны тешкилятнынъ ресмий сайтында джанлы видеояйынлав вастасынен козетмек мумкюн оладжакъ. 

КъФБ реберлигинден гъайры тедбирде ярымада назирлер шурасынынъ ве КъДж девлет шурасынынъ векиллери иштирак этеджеклер.

Директор Училища олимпийского резерва в Крыму Игорь Уваров и глава Крыма Сергей Аксенов (слева направо)
И. Уваров: Эр спорт чешитинде РФ джыйма такъымында векиллеримиз бар

КъФБ премьер-лигасы учюнджи чемпионаты августнынъ 19-да башлана. Янъы мевсимде секиз такъым иштирак этеджек: «Севастополь», «Крымтеплица» (Молодежное), «Евпатория», «Океан» (Керич), «ТСК-Таврия» (Акъмесджит), «Кафа» (Кефе), «Рубин Ялта» ве «Кызылташ» (Ялта).

Лиганынъ шимдики чемпионы «Севастополь» футбол клубы сайыла, о 2016/17 мевсимде гъалип чыкъты. 2016 сене Къырым премьер-лигасынынъ биринджи чемпионы Акъмесджитли «ТСК-Таврия» олды. Бу язнынъ энъ буюк янъылыгъы шунда ки, янъы мевсимден башлап юкъары джумхурий премьер-лигада биринджи къырымтатар «Кызылташ» такъымы ойнайджакъ.