Русиенинъ джыйма такъымы теркибинеде куреш боюнджа дюнья чемпионатына Къырым спортчысы Эмин Сефершаев кетеджек. Чемпионат августнынъ башында Тампер шеэринде (Финляндия) олып кечеджек.

Акъмесджитте догъгъан Эмин Сефершаев юнан-рома куреши боюнджа ярышларда 55 килогъадже чеки категорияда мемлекетнинъ шерефини къорчалайджакъ, деп, хабер эте КъДж спорт куреш Федерациясы.

Директор Училища олимпийского резерва в Крыму Игорь Уваров и глава Крыма Сергей Аксенов (слева направо)
И. Уваров: Эр спорт чешитинде РФ джыйма такъымында векиллеримиз бар

«Сефершаев немсе Дортмунд шеэринде юниорлар арасында Авропа биринджилигининъ кумюш мукяфат саиби олгъанындан  бир айдан аз вакъыт кечти», — деп, хабер эте федерациянынъ матбуат-хызмети.

Авропа турниринде эсап боюнджа огде булунгъан спортчы алтын медальни сонъки саниелерде къачырды. Эвеллери, март айында Эмин Сефершаев юниорлар арасында юнан-рома куреши боюнджа Русие биринджилигининъ алтыныны къазанды, бу мукяфаткъа о, эм де 2015 сене майыста наиль олгъан эди.

Йигитлер, эм де къызлар арасында юнан-рома ве сербест куреш боюнджа дюнья чемпионаты  финн Темпер шеэринде  августнынъ 1-6 куньлери кечеджек. Турнирде 24 медаль комплекти ойналаджакъ.