Къырымнынъ джыйма такъым азалары йигитлер арасында къаягъа тырмашув боюнджа «Кубок джужбы» адлы умумрусие ярышларнынъ нетиджесинде чешит севиеде он мукяфат къазандылар. Ярышлар кечкен афта Ялтада екюнленди.

Ярымада такъымы эки алтын, беш кумюш ве учь тунч медаль къазанды. Ве джумхуриет 1048 балл иле экинджи умумтакъым ер алды, деп, хабер эте курорт-шеэрнинъ матбуат-хызмети.

Директор Училища олимпийского резерва в Крыму Игорь Уваров и глава Крыма Сергей Аксенов (слева направо)
И. Уваров: Эр спорт чешитинде РФ джыйма такъымында векиллеримиз бар

Умумтакъым зачета биринджи ерге буюк фаркъ иле Воронеж виялети чыкъты, олар 1770 балл къазандылар. Учюнджи ерге исе Ленинград виялети чыкъты (905 баллов).

Стартлар «Къаягъа тырмашув "Никита" меркези» ве «Красный Камень» адлы скалодромларда кечтилер.

Къаягъа тырмашув боюнджа «Кубок дружбы» адлы умумрусие генчлер ярышлары Къырым джумхуриетининъ Ялта шеэринде июльнинъ 15-20 куньлери кечтилер. Ярышлар программанынъ эки чешитинде кечти: агъырлыкъкъа тырмашув ве тезликке тырмашув. Эм де умумий зачётнынъ — двоеборьенинъ нетиджеси чыкъарылды.