Экстремаль спорт чешитлери боюнджа «Extreme Крым — 2017» адлы бешинджи халкъара фестивалининъ тантаналы ачылувы Акъмечит районынынъ Къара Аджы къасабасында Тарханкут бурунында джума эртеси куню, июльнинъ 22-де, олып кечти,  деп, хабер эте КъДж акимиетининъ матбуат-хызмети.

Директор Училища олимпийского резерва в Крыму Игорь Уваров и глава Крыма Сергей Аксенов (слева направо)
И. Уваров: Эр спорт чешитинде РФ джыйма такъымында векиллеримиз бар

Тедбирде бу сене, КъДж назирлер шурасы реисининъ муавини, ярымаданынъ ички сиясети, малюмат ве багъ назири Дмитрий Полонский  айткъанына коре, эвельки йылларгъа бакъкъанда четэльден чокъча мусафир кельди.  

«Бу сене фестивальни акъикъаттен халкъара, деп, адламакъ мумкюн. Мейданда 15 девлеттен мусафирлер ве спортчылар топланды, оларнынъ арасында  АКъШ, Буюк Британия, Френкистан ве дигерлер», — деп, бильдирди Дмитрий Полонский.

Тешкилятчылар тедбирнинъ макъсады — бу Къырымда экстремаль спорт чешитлерининъ ве сагълам аят тарзыны рагъбетлештирюв, дейлер. Бу сене фестиваль июльнинъ 19-дан августнынъ 6-на къадар девам этеджек. Онынъ мейданында 30 спорт ёнелиш боюнджа ярышлар кечеджек.