Ялта спортчылары смены триатлон боюнджа эки умумрусие ярышында беш медальнинъ саиплери олдылар. Ярышлар кечкен раатлыкъ куньлери откерильди, деп, хабер эте Къырым Джумхуриет спорт назирлигининъ матбуат-хызмети.

Вадим Кудряков (слева) и Павел Дорошилов (справа) на сборах сборной РФ по боксу в Кисловодске
Эки къырымлы боксчы Русие такъымынынъ топланув идманларына чагъырылды

Ленинград виляетининъ Токсово шеэринде июльнинъ 15-де кечкен 23 яшкъадже эркеклер арасында кросс-триатлон боюнджа Русие биринджилигинде  ярымаданы Егор Сарайкин такъдим этти, о ярышларда1 км ялдап, велокъошуда маунтинбайкте 27 км кечип ве 9 км чапып, экинджи ерни къазанды.

Июльнинъ 15-16 куньлери Къарсноярск дживарынынъ Железногорск шеэринде кечкен Русие триатлон федерациясы купыннынъ дёртюнджи басамагъында Къырым генчлери джыйма такъымынынъ бирден дёрт векили мукяфатлар къазандылар.

Ярышларнынъ биринджи куню суперспринтте (300 м — ялдав, 8 км — велокъошу, 2 км — чапув) тунч медаллерни йигитлер арасында Роман Никитин ве къызлар арасында Мария Филиппова алдылар.

Къырымлы спортчы Русиенинъ  генчлер биринджилигинде учь медаль алды
Къырымлы спортчы Русиенинъ генчлер биринджилигинде учь медаль алды

Ярышларнынъ экинджи куню кумюш медальни такъымгъа акватлонда (1250 м — чапув, 500 м — ялдав, 1250 м — чапув) йигитлер арасында Роман Никитин къазанды, Мария Широкова къызлар арасында учюнджи ерни алды.

Тезден эписи спортчылар «Авангард» адлы окъув-спорт базагъа къайтмакъ кереклер, анда олар триатлон боюнджа Къырым Джумхуриетининъ ачыкъ чемпионатына фааль азырлыкъ кореджеклер. Чемпионат июльнинъ 29-30 куньлери оларнынъ тувгъан Ялта шеэринде  кечеджек.