Къырым сакинлери Вадим Кудряков ве Павел Дорошилов бокс боюнджа Русие миллий такъымынынъ окъув-идман топланувына ёл алдылар. олар бу куньлерде Ставрополь дживарынынъ Кисловодск шеэринде кече.

2016 сене Русие чемпионатынынъ гъалиби ве 52 килогъадже чеки категорияда студентлер арасында дюнья чемпионы (Таиланд, 2016 год) Вадим Кудряков, миллий такъым теркибинде дюнья чемпионатына азырлана, деп хабер эте Къырым Джумхуриети бокс федерациясынынъ матбуат-хызмети. Чемпионат августнынъ сонъунда Гамбург адлы алман шеэринде башлана.

Къырымлы спортчы Русиенинъ  генчлер биринджилигинде учь медаль алды
Къырымлы спортчы Русиенинъ генчлер биринджилигинде учь медаль алды

Июнь айынынъ сонъунда Алушта шеэринде кечкен 91 килодан зияде чеки категорияда студентлер арасында (25 яштан кичик) бокс боюнджа умумрусие ярышларда  алтын медаль саиби Павел Дорошилов Русие чемпионатына фааль азырлыкъ коре. Турнир сентябрьнинъ 30-дан тктябрьнинъ 9-надже Чеченистаннынъ Грозный шеэринде откериледжек.

Февраль айында Русиенинъ бокс федерациясы Къырымдан учь спортчы миллий джыйма такъымнынъ теркибине кирсетильгени акъта илян эткен эди. Бу Вадима Кудрякова — эсас теркипке, Варткезик Андреасян (69 килогъадже) ве Али Сеитмеметов (75 килогъадже) — резерв такъымына. Лякин сонъки эки спортчы топланувгъа чагъырылгъаны акъта бир шей хабер этильмей.