Спорт устасы Анастасия Безлюдная 24 яшкъадже генчлер арасында агъыр атлетика боюнджа Русие биринджилигинде учь медаль къазанды. Ярышлар кечкен афта Владимир шеэринде откерильди.

Ялта сакини городки боюнджа Русие чемпионатынынъ тунч медаллерини алды
Ялта сакини городки боюнджа Русие чемпионатынынъ тунч медаллерини алды

75 килогъадже чеки категорияда чыкъышта булунгъан Крым сакини агъырлыгъы 97 кило олгъан штанга котерилювинде биринджи ерге чыкъты. Бундан гъайры о, итерювде (111 кило) ве двоеборие джемисинде (208 кило) кумюш медаллерни эльде этти, деп, хабер эте къДж спорт назирлигининъ матбуат-хызмети.  

Анастасия Безлюдная — ярымада векиллери арасында ярышларда тек бир озю мукяфат къазангъанды. Умумен Къырымны биринджиликте еди спортчы такъдим этти.

Бойлеликнен, спорт устасына намзет Эмиль Умеров 62 килогъадже чеки категорияда тек единджи ерге чыкъты, 17-яшлы Беслан Гордогожев исе двоеборие джемисинде 255 кило котерип, спорт устасы нормативини беджерди ве 69 килогъадже чеки категорияда 11-нджи ерде ерлешти.

Боксчы Павел Дорошилов
Боксчы Павел Дорошилов: фанатларнынъ дестеги ярдым ерине кедер эте

Спорт устасы Алим Темботов да 105 килодан зияде чеки категорияда единджи ерни къазанды, спорт устасына намзет Николай Дьяков исе 85 кило чеки категорияда сыфыр дереджеде баа къазанды.

24 яшкъадже генчлер арасында агъыр атлетика боюнджа Русие биринджилиги Владимир шеэринде июльнинъ  3-ден 10-на къадар кечти. Тедбирде РФ 40 субъектинден 316 спортчы иштирак этти.