Къырым спортчысы Антон Брачев дзюдо боюнджа Авропа Купында 100 килодан зияде чеки категорияда алтын медаль алды. Ярыш кечкен раатлыкъ куньлери словен Селье-Подчетртек шеэринде кечти.

Къырым сакини сербест куреш боюнджа Русие чемпионатында кумюш алды
Къырым сакини сербест куреш боюнджа Русие чемпионатында кумюш алды

Финал тутушувда ярымада сакини бельчика дзюдоджысы Бенджамин Хармегнистен кучьлюдже олды, экинджиси кумюш медаль къазанды. Бундан эвель ярыфиналда Брачев венгр Барну Бораны енъди. Квалификацион  раундларда Къырым сакини башында итальян  Никола Беччеттини, сонъра исе — Френкистандан Месси Катангангини енъди.

Дзюдоджы гъалебе къазангъаны себебинден ярымада реберлигине профиль федераль тешкилятлардан энди хайырлав мекюплер кельдилер.

«Халкъара дзюдо фонды адындан сизлерни алтын мукяфат иле хайырламагъа ве регионда дзюдо инкишаф этювине буюк иссе къошкъанынъыз ичюн тешеккюрлер бильдирмеге рухсет беринъиз», — деп, языла фонднынъ президенти, иш адамы  Аркадий Ротенберг имзалагъан ве КъДж башы Сергей Аксёновгъа ёллагъан мектюпте.

© IJF
Дзюдоджы Антон Брачев (Къырым, Русие)

Хайырлавларны эм де Девлет шуранынъ башы Владимир Константинов алды, о, эм де КъДж дзюдо ве самбо федерациясынынъ президенти  ола.

Победитель Первенства Европы по вольной борьбе среди юношей Ахмедхан Темботов
А. Темботов: Авропа Биринджилигининъ алтынына илишеджегимизге ишандыкъ

«Пек кучьлю ракъип иле муреккеп куреште Антон Брачев озь энъ гезуль чизгилерини ве усталыгъыны, мертлигини ве ираде кучюни косьтерди», — деп, язды Русие дзюдо Федерациясынынъ  президенти Василий Анисимов.

Дзюдо боюнджа эркеклер ве къадынлар арасында Авропы Купы  Словенияда  Селье-Подчетртек шеэринде июньнинъ 17-18 куньлери кечти. Тедбирде  дюньянынъ 30 мемлекетинден 337 спортчы иштирак этти, олар мукяфатларнынъ 14 комплексини пайлаштырдылар (эркеклер ве къадынлар категорияларында едишер комплект).