Ялталы биринджи къырымтатар «Кызылташ» такъымы  Къырым футбол бирлиги (КъФБ) Премьер-лигасында учюнджи чемпионатынынъ иштиракчиси оладжакъ, деп хабер эте ассоциациянынъ матбуат-хызмети.

Игроки футбольного клуба «Севастополь» качают главного тренера Алексея Грачева
КъФБ энъ гузель футболджыларны, идманджыны ве арбитрни бельгиледи

Кечкен мевсимде футбол клубы эркек авескяр такъымлар арасында КъДж ачыкъ чемпионатында  учбнджи ерге чыкъты, бу онъа ярымаданынъ юкъары лигасына кирмеге акъ бергени ёкъ.

Лякин авескяр лиганынъ чемпионы Акъмесджит районындан «Гвардеец» футбол клубы юкселювден ред этти. Экинджи ерни алгъан Красноперекопск районындан «Источное» футбол клубы Джумхуриетнинъ юкъары лигасында ойнамакъ акъкъы ичюн кечиджи матчларда ойнамакътан ред этти.

«Эки клуб да Къырым футбол бирлигине озь къарарлары акъта язув шекилинде бильдирдилер. Бойлеликнен, КъФБ Премьер-лига чемпионатынынъ регламентиндеки  4.8 маддеге коре, "Кызылташ" КъФБ ПЛ учюнджи чемпинатында иштирак этмеге акъны эльде этти», — деп, языла месаджда.

Премьер-лигагъа кирмек макъсады, «Кызылташ» ФК президенти Альберт Куршутов айткъанына коре, такъымда тап биринджи мевсимден сонъ пейда олды, ве футболджылар онъа ириштилер.

Победитель Первенства Европы по вольной борьбе среди юношей Ахмедхан Темботов
А. Темботов: Авропа Биринджилигининъ алтынына илишеджегимизге ишандыкъ

Клуб озюни ярымадада биринджи къырымтатар футбол такъымы деп адлай.

2017/18-мевсимнинъ  КъФБ Премьер-лига учюнджи чемпионаты  августнынъ 19-да башлана, ондан бир афта эвель Акъмесджитте Премьер-лиганынъ Суперкубогыны ойнайджакълар. Бу мукяфат огърунда кечкен мевсимнинъ чемпионы олгъан«Севастополь» ФК ве шимдилик Кубог саиби «Евпатория» ФК курешеджеклер.

Янъы мевсимде секиз такъым ойнайджакъ. «Севастополь», «Крымтеплица» (Молодежное), «Евпатория», «Океан» (Керич), «ТСК-Таврия» (Акъмесджит), «Кафа» (Кефе), «Рубин Ялта», «Кызылташ» (Ялта).