Къырымнынъ джыйма такъымы регби боюнджа ДжФО чемпионы олды
Къырымнынъ джыйма такъымы регби боюнджа ДжФО чемпионы олды
Акъмесджитли халкъара класс спорт устасы Виктор Рассадин сербест куреш боюнджа Русие чемпионатында кумюш алды. Чемпионат джума акъшамы куню, июннинъ 14-де, Назрань шеэринде (Ингушетия) екюнленди.

Акъмесджитли спотчыгъа 61 килогъадже чеки категорияда биринджи ерни къазанмагъа 57 килогъадже агъырлыгъта курешкен 2016 сененинъ Авропа чемпионы Дагъыстанлы Гаджимурад Рашидов имкян бермеди.

Тутушувнынъ сонъуна тек 8 сание къалгъанда Къырымлы курешчи огде эди (эсап 3:1), амма сонъунда хата къачырды ве эсап тенъ олды. Сонъки нетидже берген арекети себеби иле Гаджимурад Рашидов Русие чемпионы олды.

Победитель Первенства Европы по вольной борьбе среди юношей Ахмедхан Темботов
А. Темботов: Авропа Биринджилигининъ алтынына илишеджегимизге ишандыкъ
Финал ёлунда Акъмесджит сакини Дагъыстандан Рустам Абдурашидовны  (12:2), Шималий Осетия–Аланиядан Чермен Тавитовны (11:1), Чеченистандан Ислам Дудаевни (14:4) ве ярыфиналда озь семетдешини Шамиль Омаровны (10:0) эминлик иле енъди. 57 килогъадже чеки категорияда  медаллерни къазанмакъ ичюн 34 спортчы курешти.

Бир йыл эвельси Якутск шеэринде кечкен Русие чемпионатында да кумюш мукяфатны Виктор Рассадин къазангъан эди. Бойлеликнен, спортчы РФ  вице-чемпион унваныны кърчалады.

Сербест куреш боюнджа Русие чемпионаты Ингушетия Джумхуриетинде Назрань шеэринде кечти.