Къырым  футбол бирлиги (КъФБ) футбол боюнджа Къырым премьер-лигасы экинджи чемпионатынынъ нетиджелери боюнджа энъ гузель оюнджыларнынъ, баш идманджынынъ ве акемнинъ  адларыны илян этти.  Экинджи чемпионат джума эртеси куню, июннинъ 10 екюнленди. Буны бирлигнинъ матбуат-хызмети хабер эте.

Къырымда «гизли пляж зияретчиси» вазифесини кирсетмек тевсие этильди
Къырымда «гизли пляж зияретчиси» вазифесини кирсетмек тевсие этильди

Футбол клубларынынъ соравы нетиджелери боюнджа ярымаданынъ энъ гузель къорчалайыджысы «Севастополь» футбол клубындан Роман Климентовский, энъ гузель ярыкъорчалайыджы — «Евпатории» футбол клубындан Иван Войтенко, уджум этиджи исе — «Крымтеплица» футбол клубындан Игорь Мельник олдылар. Чемпионатнынъ энъ гузель футболджысы деп, «Евпатория» такъымынынъ оюнджысыны Длявер Нуридиновны таныдылар.

Екюнленген юкъары лиганынъ исаиятына коре, чемпионатнынъ энъ гузель голкипери  Керичли «Океан» такъымынынъ къапу бекчиси Максим Шумайлов олды, бомбардир исе — кене де Длявер Нуридинов, о, 26 матчта 16 гол урды.

Победитель Первенства Европы по вольной борьбе среди юношей Ахмедхан Темботов
А. Темботов: Авропа Биринджилигининъ алтынына илишеджегимизге ишандыкъ

КъФБ-нинъ  президиумы  2016/2017-мевсимнинъ энъ гузель идманджысы оларакъ  «Севастополь» футбол клубынынъ устазыны Алексей Грачевны таныды, онынъ тербиесини алгъанлар чемпионлар унваныны къазандылар.

Энъ гузель арбитр Акъярлы акем Роман Бохняк, энъ гузель акем ярдымджысы исе — кене де Акъярдан Вячеслав Малокостов олдылар.

Эвель белли олды ки, КъФБ премьер-лига чемпионатынынъ гъалиби муддеттен эвель «Севастополь» такъымы олды, о, «КФУ-Бахчисарай» такъымыны июннинъ 3-де, турнир екюнленмезден бир тур эвель 6:0 эсап иле дарма-даргъын этти.