Къырым футбол бирлиги (КФС) премьер-лига чемпионатынынъ гъалиби муддетинден эвель «Севастополь такъымы олды». О, 27 тур матчлары черчивесинде  джума эртеси, июннинъ 3-де кечкен «КФУ-Бахчисарай» такъымыны 6:0 эсап иле дарма-даргъын этти.

«Евпатория» футбол клубынынъ ярымудафааджысы Назим Эюпов
Назим Эюпов: Гъалебе сенинъ севиенъи ве, эльбетте, айлыгъынъы юксельте

28-джи тур оюнлары черчивесинде  джума эртеси куню, июннинъ 10-да, къараман-шеэрнинъ клубы учюнджи ерни алгъан «Евпатория» такъымы иле ойнайджакъ, лякин бу матч акъырлылар ичюн энди турнирлик эмиетни ташымайджакъ.

«Севастополь» 58 очко иле шимди турнир таблонынъ биринджи ерини ала. Экинджи ерде булунгъан «Крымтеплица» футбол клубы исе олардан дёрт очкогъа артта къала ве атта олар мевсимнинъ сонъки оюнында «КФУ-Бахчисарай» такъымыны енъселер биле (къошма учь очко), къараман-шеэрнинъ футболджыларны озып оламазлар.

Къырым футбол бирлиги (КФС) премьер-лигасынынъ 2016/2017 мевсиминде «Севастополь» футбол такъымы  27 матчта 18 гъалебе къазанды, дёртюни ютукъсыз кечирди ве тек беш матчта магълюбиетке огърады. Ярымада юкъары лигасынынъ биринджи мевсимининъ (2015/2016) гъалиби  — Акъмесджитнинъ «ТСК-Таврия» футбол къубы да муддетинден эвель, ярышлар битмезден учь тур эвель, чемпион олгъан эди. Бу сене о таблонынъ ортасында ерлешти.

© ФК «Севастополь»
Къырымда премьер-лига–2017 чемпионы «Севастополь» ФК олды