Къырым сакинлери Къурмандан Сергей Шацило ве Багъчасарайдан Ридван Османов кене де куреш боюнджа Русие генчлер джыйма такъымына (18 яшкъадже) чагъырылдылар, деп, хабер эте «Крымский спорт» порталы.

«Евпатория» футбол клубынынъ ярымудафааджысы Назим Эюпов
Назим Эюпов: Гъалебе сенинъ севиенъи ве, эльбетте, айлыгъынъы юксельте

Миллий такъымнынъ невбеттеки топлашув идманлары Алуштада «Барс» спорткомплекси базасында июннинъ 8-ден 22 кунюне къадар кечмек керек. Оларнынъ нетиджелери боюнджа РФ генчлер джыйма такъымынынъ теркиби бельгиленеджек, ве бу такъым якъында оладжакъ дюнья ве Авропа биринджиликлеринде иштирак этеджек.

Эвель апрель айында юнан-рома курешчилери Сергей Шацило (50 килогъадже чеки категория) ве Ридван Османов (63 килогъадже) Москва виялетининъ Чехов шеэринде кечкен мемлекетимизнинъ генчлер биринджилигинде тунч мукяфатлар къазангъан эдилер.

Майыс айында эки спортчы да Ростов виялетининъ Азов шеэринде кечкен эки афталыкъ идман-топлашувларда булунгъан эдилер.