Къырым сакини Екатерина Дрягина Русиеде 15-16 яшлы къызлар арасында 200 метрлик месафеде тректе велоспорт боюнджа гъалип чыкъты. Биринджилик джума акъшамы куню, майыснынъ 25-де Тула шеэринде кечти.

Спортчы 16,809 сание вакъытны косьтерди, бу исе айны яш категорияда мемлекетнинъ янъы рекорды олды, деп, хабер эте КъДж спорт назирлигининъ матбуат-хызмети.

Къырымны корьмек ве къалмакъ: джумхуриетте Камерун сакинлери якъаланды
Къырымны корьмек ве къалмакъ: джумхуриетте Камерун сакинлери якъаланды

Месафенинъ биринджи ярысыны Акъмесджитли спорт устасына генч намзет 10,123 саниеде кечти, бу да энъ гузель старт вакъыты олды.

Даа бир къырымлы спортчы, Анна Шалашова, тамам шу месафеде бешинджи ерни алды, онынъ нетиджеси 17,353 сание олды.

1 бинъ метр месафеде чифт ярышларда ярымаданы такъдим эткен Украинада нам къазангъан  Владимир Рождественскийнинъ тербиесини корьген эки къыз да 1:12,624 киби вакъытны косьтердилер ве секизинджи ерге чыкътылар.

Майыснынъ 24-26 куньлери кечкен йигитлер ве къызлар арасында велоспорт боюнджа  РФ биринджилигинде мемлекетнинъ 14 федераль округындан 2001-2002 сенелери догъгъан 282 спортчы иштирак этти. Бу ярышлар Русиенинъ мектеп талебелери спартакиадасына сайлав басамакъ олды. Спартакиада Тула шеэринде августнынъ 7-11 куньлери кечеджек.