Эр кез бара бильген 120-ден зияде спорт мейданынынъ ерлештирилюви, эм де янъы футбол мейданы къурулмасы Керичте бу йылнынъ сонъуна къадар планлаштырылды, деп, бильдирди «акимиет саатында» КъДж Девлет шурасы сессиясы топлашувында озь чыкъышы кетишатында КъДж спорт назири Елизавета Кожичева.

Къырым алтыны. Къара денъиз тюбюнде УВДж девири хазинесинени тапылды
Къырым алтыны. Къара денъиз тюбюнде УВДж девири хазинесинени тапылды

«ГТО (готов к труду и обороне — муаррир изааты) нормативлери беджерилювине азырланмакъ ве умумий беден идманлар кечирмек ичюн 2018 сенегедже эр кез бара бильген 124 мейдан пейда оладжакъ. Мейданлар эр бир беледиеде ерлештириледжек, оларнынъ сайысы эалиге багълы оладжакъ», — деди Елизавета Кожичева.

Умумен 2020 сенегедже джумхуриетте ГТО нормаларыны тапшырмакъ ичюн 500 спорт мейдан яратылмакъ керек. Бундан гъайры назир эр йыл бирер янъы футбол мейдан къурулмасы боюнджа планларны тасдыкълады.

«2016 сене янъы футбол мейданлар Акъмесджитте ве Судакъта ачылгъан эди, агъымдаки сене мейдан Керичте пейда оладжакъ, 2018 сене исе — Кефеде», — КъДж спорт назирлигининъ матбуат-хызмети идаре башынынъ сёзлерини алынма шекилинде яза.

КъДж акимиети Къырымда бу язда раатланув не къадар тураджагъыны ачты
КъДж акимиети Къырымда бу язда раатланув не къадар тураджагъыны ачты

Бундан гъайры «2020 сенегедже РФ-да беден тербиеси ве спорт инкишафы» адлы федераль макъсадлы программа черчивесинде Къырымда буюк денъишмелер оладжакъ: Кезлевде Спорт сарайы, Ялтада «Авангард» спорт-сагъламлаштырув комплекс, Тавель, яни Краснолесье коюнде олимпик резерв окъув юрту, Акъмесджитте пуля атувы боюнджа олимпик резерв спорт мектеби ве Акъмесджитте КъДж джыйма такъымларнынъ спорт азырлыгъы меркези (бу сабыкъ «Локомотив» стадионы) гъайрыдан тикленеджеклер. Бунъа 2,4 млрд рубле масраф этиледжек.