Енгиль атлетика боюнджа Русие талебебелери Спартакиадасынынъ биринджи региональ басамагъы Ялтада «Авангард» спорт-сагъламлаштырув комплексининъ стадионында бу раатлыкъ куньлери кечеджек.

Акъмесджитли яш аякъмашна айдаджысы Русиенинъ рекордсмени олды
Акъмесджитли яш аякъмашна айдаджысы Русиенинъ рекордсмени олды

Ярышларда 2000-2001 сенелери догъгъан йигитлер ве къызлар иштирак этеджеклер, олар ярымада беледие тешкилятларынынъ спорт такъымларыны такъдим этеджеклер, деп, хабер эте «Крыминформ» ве Къырым джумхурий енгиль атлетика федерациясынынъ матбуат-хызметине эсслана.

Къошма оларакъ теркиплерге 2002 сене догъгъан спортчыларны къоша билелер, шахсий биринджиликте исе — 2000-2003 сене догъгъан енгиль атлетчилерни. Эсас шарт — бу ярышнынъ эписи иштиракчилерининъ квлификациялары учюнджи спорт разрядтан ашагъы олмамакъ керек.

Спартакиаданынъ программасына 100 м, 200 м, 400 м, 800 м, 1500 м ве 3 000 м месафелерге чапув; 100/110 ве 400 м маниала иле чапув; 2000 м маниалы чапув; эстафета (100 + 200 + 300 + 400 м); юксекликке, узунлыкъкъа сычравлар, учьлеме сычрав; диск, токъмакъ ве мырзакъ атувы, эм де озек итерилюви киреджек.

Теннис оюнджылары Юлия Никитина ве Марина Тимофеева
Къырымлы теннис оюнджысы халкъара турнирлерде эки алтын къазанды

Ярышларнынъ тантаналы ачылувы майыснынъ 20-де саат 14:30 башанаджакъ, ярышлар озю исе — саат 11:00.

Турнир Къырым Джумхуриет джыйма такъымынынъ теркибине кирмек ичюн сайлав басамакъ оладжакъ. Ве Спартикиаданынъ экинджи басамагъында — федераль округларнынъ (Дженюбий ве Шималий-Кавказ) биринджилигинде иштирак этмек мумкюн оладжакъ. Биринджилик Адыгея Джумхуриетининъ пайтахтында, Майкоп шеэринде июннинъ 4-5 куньлери кечеджек.   

Енгиль атлетика боюнджа Русие талебелерининъ секизинджи язлыкъ Спартакиадасы — комплекс тедбир, РФ субъектлеринде спорт инкишафы ве рагъбетлештирилюви, бундан гъайры язлыкъ Олимпик оюнларнынъ программасына кирсетильген спорт чешитлери, эм де самбо ве сантырач боюнджа талебелернинъ беден джеэттен азырлыкъ чевиесини  ве спорт усталыгъы севиесини юксельтмек макъсады иле кечириле. Къырымда спартакиаданынъ биринджи басамагъы 30 спорт чешити боюнджа кечириле.