Акъярлы спортчы Иван Григорьев муай-тай боюнджа дюнья биринджилиги нетиджесинде тай боксы боюнджа дюнья чемпионы унваныны къазанды. Биринджилик кечкен афта Минскте (Акърусиеде) екюнледи.

Къырым алтыны. Къара денъиз тюбюнде УВДж девири хазинесинени тапылды
Къырым алтыны. Къара денъиз тюбюнде УВДж девири хазинесинени тапылды

Курешчи, финалгъа еткендже, дёрт куреш кечирди ве дёрт кере гъалип чыкъты, сонъки куреште исе Португалиялы Диего Голадо иле корюшти ве ярыфиналда 12 дефа дюнья чемпионыны Виталий Гурковны енъди.

Финал куреши, Къырым тай боксы Федерациясы президенти Александр Меновщиковнынъ сёзлерине коре, пек кергин олды.

«Финал куреши пек кергин олды, лякин бизим спортчымыз озь ракъибини нокаут этти», — КъДж спорт назирлигининъ матбуат-хызмети Александр Меновщиковнынъ сёзлерини алынма шекилинде бере.

Умумтакъым зачётында биринджи ерни турнирнинъ къонакъбайы Акърусиенинъ джыйма такъымы къазанды. Экинджи ерге исе — Русие такъымы чыкъты. Таиланд учюнджи лидер олды.

Шахматы
Керичли спотчы Русиенинъ сантырач биринджилигинде эки медаль къазанды

Тай боксы (муай-тай) боюнджа дюнья чемпионаты Акърусие пайтахтында Минск шеэринде майыснынъ 3-ден 12-недже кечти. Ярышта дюньянынъ 70 мемлекетинден 700-ден зияде энъ кучьлю спортчы иштирак эттилер. Чемпионат къадынлар ве эркеклер арасында юниор, генчлер ве буюклер категорияларында кечти. 

Къырымнынъ тай боксы  Федерациясыны такъдим эткен Иван Григорьев нам къазангъан спорт устасы, нам къазангъан идманджы, муай-тай боюнджа еди дефа дюнья чемпионы, тай боксы боюнджа Акъяр джыйма такъымынынъ уйкен идманджысы Сергей Архиповнынъ талебеси ола.