Шималий-Кавказ федераль округта РФ президентининъ векялетли темсильджиси, Русие къараманы Олег Евгеньевич Белавенцевнинъ мукяфатларына «Русская весна-2017» адлы елькен регатанынъ иштиракчилери алты Русие регионынынъ губернаторлары, эм де бир сыра юксек вазифелер беджерген шахыслар олдылар.

Кесюв ве денъиз. Яндекс къырымлыларнынъ тюшлери акъкъында тариф этти
Кесюв ве денъиз. Яндекс къырымлыларнынъ тюшлери акъкъында тариф этти

Бу акъта базар куню, мартнынъ 19-да ичтимаий агъларда озь саифесинде джумхуриет ёлбашчысы Сергей Аксёнов хабер этти.

«Иштиракчилернинъ теркибинде сайы ве кейфиет боюнджа темельден денъишмелер олгъаны хош. Бу сефер Русие Федерациясынынъ чокъусы субъектлеринден губернаторлар иштирак этелер», — деп, язды о.

Бойлеликнен, ярымадада эр йыл кечирильген тедбирнинъ иштиракчилери Рамазан Абдулатипов (Дагъыстан), Юнус-Бек Евкуров (Ингушетия), Вячеслав Битаров (Шималий Осетия — Алания), Владимир Владимиров (Ставрополь дживары), Юрий Коков (Кабардин-Балкария), Рашид Темрезов (Карачаево-Черкесия), эм де КЧР акимиет реисининъ биринджи муавини Эльдар Байчоров олдылар. Бундан гъайры, регатада Ава-десант ордуларынынъ команданы Андрей Сердюков ве Къара денъиз флотынынъ адмиралы Александр Витко иштирак эттилер.

© Страница С. Аксенова в соцсети
«Русская весна-2017» адлы елькен регатанынъ иштиракчилери

Ракъиплик, Къырым губернаторы айткъанына коре, къатты олды ве регатаны мувафакъиетли деп, саймакъ мумкюн.

«Бойле ракъиплик эвель ич бир вакъыт олмагъан эди. <…> Куреш кергин олды, ракъиплер эр вакъыт табанларгъа баса эдилер, экипаж озюни джесюр оларакъ косьтерди. Регата гузель кечти», — деп, язды Сергей Аксёнов.

Сергей Аксенов:«Къырым баарини» тек Гъалебе Кунюнен къыясламакъ мумкюн
Сергей Аксенов:«Къырым баарини» тек Гъалебе Кунюнен къыясламакъ мумкюн

Ярымада, онынъ сёзлерине коре, яхта спортынынъ меркези олаята, якъын вакъытта исе бу саанынъ инкишафына догъуртылгъан бир сыра лейхаларнынъ амельге кечирилюви башлайджакъ.  

«Акъяр ве Къырым шеэрлери яваш-яваш яхта спортынынъ меркези олаяталар. Энди буюк оюнджылар иле бакъылгъан бир сыра лейхалар бар, Къырым Джумхуриет территориясында земаневий яхт-клуб къурмакъ ичюн араштырув ишлер кечириле, ерлер бакъыла. Мезкюр ёнелиш боюнджа Къырымнынъ огдеки инкишафы буюктир», — деп, язды о.