Футбол боюнджа «Къырым баари» турниринде дёрт такъым иштирак этеджек. Турнир КъДж ве Акъяр Русие иле бирлешюви акъкъында референдумнынъ учь йыллыгъына багъышланды.

Къырым башы мукяфатларына куреш боюнджа турнир мартнынъ 17-19 кечеджек
Къырым башы мукяфатларына куреш боюнджа турнир мартнынъ 17-19 кечеджек

Ярышлар Акъмесджит ве Акъяр шеэрлеринде мартнынъ 13-ден 16-на къадар кечеджек, деп хабер эте Къырым футбол бирлигининъ матбуат-хызмети.

Ярымаданы турнирде Къырымнынъ джыйма такъымы такъдим этеджек. Ондан гъайры куп огърунда Дженюбий федераль округны такъдим эткен Ростов-на-Дону шеэринден «Ростсельмаш» футбол клубы, Шималий-Кавказ федераль округнынъ джыйма такъымы ве Иркутск шеэринден Сибирь федераль дживарны такъдим эткен «Зенит» такъымы ярышлашаджакълар.

«Регламентке бинаен ярышлар турнирде эки басамакъта кечеджек. Биринджиси бир матчтан ибарет, о учюнджи ер огърунда курешеджек иштиракчилерни ве филалгъа чыкъкъанларны къаршы матчлар кечирилюви вастасынен бельгилейджек», — деп, языла месаджда.

Биринджи басамакъ черчивесинде жеребьёвка нетиджелери боюнджа Къырым сакинлери базар эртеси куню, мартнынъ 13-де «Ростсельмаш» такъымы иле Акъярда «СОК» стадионында ойнайджакълар. Тамам шу куню  Акъмеджитте  «Фиолент» стадионында СКФО ве «Зенит» арасында оюн кечеджек. Эки корюшув де саат 15.00 башлана.

«Сокол» футбол клубы (Саратов) «ТСК-Таврия» футбол клубыны Къырым футбол бирлиги-2017 Ачыкъ къыш купынынъ финалында енъди
Къырым футбол бирлигининъ къыш купыны Саратовнынъ «Сокол» такъымы алды

Турнирнинъ экинджи басамагъы учюнджи ер огърунда матчтан ве финалдан ибарет оладжакъ.

Тунч къазанмакъ огърундаки матчта джума акъшамы куню, мартнынъ 16-да «СОК» стадионында биринджи корюшувлерде артта къалгъан такъымлар корюшеджеклер (башланув саат 11.00). Кене шу куню, амма учь сатттен сонъ Акъмесджитте «Локомотив» стадионында купнынъ финалы олып кечеджек, анда ярышларнынъ биринджи басамакъ гъалиплери корюшеджеклер.

Матчларнынъ эсас вакъытында эгер нетидже ютукъсыз олса, такъымлар пенальти сериясыны кечиреджеклер.