18-яшлы Къырым сакини, спорт устасы намзети Евгений Тетера 20 яшкъадже юниор къызлар ве къызлар арасында енгиль атлетика боюнджа Русие биринджилигининъ гъалиби олды. Ярыш Волгоград шеэрде екюнленди.

Спортчы 1500 м месафени эр кезден тез кечти ве гъалебе къазанды. Гъалипнинъ нетиджеси — 3:51,93 дакъикъа.
Бундан гъайры ярышларда спорт устасы намзети Дмитрий Кузьменко ве Александр Ромашов иштирак эттилер (эки спортчы да Акъмесджит шеэрини такъдим этелер).
Дмитрий юксеклликке сычравлар боюнджа чыкъты, о, озюнинъ энъ гузель нетиджесини текрарлады, ярышларны 2,00 метр бельгиде екюнледи. Александр исе, учьлеме сычрав секторында 14,19 м нетиджесини косьтерди.

Справка
Евгений Тетера — спорт устасына намзет, Русие ве Къырым Джумхуриети джыйма такъымынынъ азасы, 2015, 2016 ве 2017 сенелерде Къырым Джумхуриетининъ энъ яхшы спортчысы. Русие талебелерининъ VIII язлыкъ Спартакиадасынынъ гъалиби, 1500 м — 4:01,10 дакъикъа (Саранск шеэри, 2015), генчлер арасында кросс боюнджа Русие биринджилигининъ гъалиби, 4 км — 12:10 дакъикъа (Жуковский шеэри, 2016 с.) 20 яшкъадже юниорлар арасында Русие биринджилигининъ гъалиби, 1500 м — 3:54,39 дакъикъа (Калуга ш, 2017), одада Русие биринджилигининъ тунч гъалиби, 1500 м — 4:04,76 дакъикъа (Пенза ш, 2016). Виктор Демидович ве Вера Шевченко идманджыларынынъ талебеси, онынъ биринджи идманджысы — Александр Бондаренко.

Къырым Джумхурий енгиль атлетика федерациясы матбуат-хызметининъ мальземелери боюнджа