Къырым ёлбашчысы Сергей Аксенов «Россия сегодня» халкъара малюмат агентлигининъ коллективини беш йыллыкъ юбилейи иле хайырлады. Озь хайырлавыны о, Facebook ичтимаий агъында озь ресмий саифесинде ерлештирди.

«Россия сегодня» – ерли журналистиканынъ устазларыны ве яш мутехассысларны бирлештирген уникаль медиа мейдандыр.

Къыскъа тарихий муддет девамында агентлик халкъара севиеге чыкъты ве дюньянынъ малюмат фезасында глобаль оюнджы олды.

«Россия сегодня» агентлигининъ  журналистлерине ве шахсен Дмитрий Константинович Киселевгъа   джумхуриетимиздеки вакъиалар объектив ве оператив айдынлатылувы ичюн, ватанперверлик ве Къырымгъа севги ичюн айры тешеккюрлер бильдирем», — деп, язды Аксенов.

О, эм де эписи хадимлерге янъы мувафакъиетлер ве бутюн дюньяда рагъбетли олмакъны тиледи.

«Россия сегодня» халкъара малюмат агентлиги 2013 сене декабрьнинъ 9 куню РФ президенти иле яратылгъан эди. Медиагруппадан эвель чалышкъанлар арасында эфсаневий Совинформбюро, «Новости» адлы нешир агентлиги, РИА Новости кибилерни къайд этмек мумкюн. Бугунь агентлик бутюн дюньяда 30-дан зияде тильде яйынлай.