Наразылыкъ мейданынынъ сакинлери территорияны терк этмеге ве иншаатларны бозмагъа девам этелер. Сурьат ве нетиджелер акъта акимиет векиллери, къуруджылар ве ерлерни озьбашымча запт эткенлер Акъмесджитте кечкен корюшувлерде субет эттилер.

Шимдики вакъытта 53 иншаат гонъюлли шекильде бозулды, даа дёрти декабрьнинъ 15-не къадар йыкътырыладжакъ. Умумен бугуньки куньде наразылыкъ мейданыннъ иштиракчилерине къуруджы ширкеттен тазминат оларакъ 108 млн рубле айырылды.

«Тек 30 адам къалды, оларнынъ шахсий меселелери бар. Оларнынъ чезилювине айырыджа янашамыз. Эр бир къырымлынынъ меселелери боюнджа консенсус тападжагъымызгъа ишанам», — деп бере РФ Девлет Дума мебусы Руслан Бальбекнинъ сёзлерини алынма шекильде онынъ матбуат-хызмети.

2018 сененинъ башында наразылыкъ мейданынынъ иштиракчилери ве къуруджы ширкет арасында зыддиет умумрусие севиеде янгъырады. Акъмесджитке якъын ерде «Стрелковое» деп адландырылгъан ве къанунсыз къурулып битмеген къырымтатар массивининъ еринде янъы буюк мескен район тикленилюви планлаштырылды. Онынъ мектеплери, бала багъчалары ве дигер инфраструктурасы оладжакъ. Ерлерни озьбашымча запт эткенлерге тикленильген объектлерни йыкъмагъа ве бунынъ ерине тазминат алмагъа тевсие эттилер. Массив сакинлерининъ бир къысмы разы олдылар, амма башкъалары ред эттилер ве наразылыкъ бильдирмек ичюн ачлыкъ илян эттилер. Амма бундан аз вакъыт кечкен сонъ музакере джерьяны девам эттирильди. 2018 сенениъ башында тек 12 эв йыкъылгъан эди.