Женевада ООН тешкилятынынъ азлыкълар акъ-укъукъларына багъышлангъан форумында Къырым акъта маруза динъленди. Ярымада векили, аджлиеджи Александр Молоховгъа форумнынъ экинджи куню сёзге чыкъмагъа рухсет берильди.

«Къырымнынъ эалиси – территориаль алямет боюнджа дюнья топлулугъы иле дискриминация этильген миллий азлыкълардыр. АКъШ, Украина ве Евросоюзнынъ санкциялары, Русие иле тургъун гонъюлли укъукъий багъны корьмемезликке уруп, озюнинъ ёлуны сечкен халкъ ичюн джезадыр», —деп, айтыла Молоховнынъ марузасызнда, онынъ тодлу метини РИА Новости агентлигинде бар.

Укукъ къорчалайыджынынъ сёзлерине коре, Къырымнынъ санкциялары ярымада эалиси  электрика, сув, башкъа табий ресурслар иле къулланмагъа имкян бермей, эм де къатнамакъны агъырлаштыра.

«2014 сене озь статусыны сечмеге истеген Къырым сакинлерине миллий азлыкъларгъа киби нисбетен Украина, АКъШ ве Евросоюзнынъ арекетлери тек ООН тешкилятынынъ миллий я да этник, диний ве 1992 сененинъ тиль азлыкъларына аит Декларацияларына къаршы олмакътан гъайры, ООН тешкилятынынъ низамнамесине, инсан акъ-укъукълары акъта Умумдюнья декларациясына уйгъун дегильдир», — деди Молохов.

Адлиеджи форумда русиели ватандашлар Халкъара шурасыны такъдим эте.