Украина 16 яштан 60 яшкъадже Русиеден кельген эркеклерге зкиришни къапатты, деп, хабер этиле Twitter агъында президент Петр Порошенконынъ саифесинде.

«Украина 16 яштан 60 яшкъадже Русиенинъ эркек гражданлары ичюн кириш боюнджа сынъырлар кирсетти. Бу РФ Украинада Русие Силялы къуветлерининъ векиллиги олгъан «шахсий» ордулар отрядларыны шекиллендирмемеси ичюн…», — деп, языла месаджда.

Бундан гъайры ноябрьнинъ 29 Украина ве Къырым сынъырыны тек украин весикъалары иле кечмек мумкюн.

Украина девлет сынъырджылыкъ хызметининъ ёлбашчысы Петр Цигикал Порошенконынъ реберлигинде кечирильген къувет идарелери ёлбашчыларынынъ мушавересинде къайд этти ки,  тек РФ гражданлары якъын тувгъанларынынъ сой-акърабасынынъ дженазелерине ёл алувы истисна ола биле. Амма бойле инсанлар ичюн кечирилюв механизми даа бельгиленгени ёкъ.

Буннен берабер Русие паспорты ве гражданлыгъы олгъан Къырым сакинлери Украина сынъырыны украин весикъалар иле маниасыз кечип оладжакълармы, ёкъмы? Буда даа анълайышлы дегиль.

Украинада  ноябрьнинъ 26-дан арбий вазиет кирсетильди. Бунынъ себеби Керич богъъазында Киев тарафындан япылгъан провокация олды. О вакъыт русиели  сынъырджылар РФ девлет сынъырыны бозгъан Украинанынъ учь арбий гемисини якъаладылар.