Женева шеэринде ООН тешкиляты форумынынъ азлыкълар суаллери боюнджа сессиясында санкциялар мевзусы котериледжек. Олар Къырым сакинлерининъ укъукъларыны бозалар. Бу акъта «России для всех» порталына форумда РФ такъдим эткен адлиеджи  – Александр Молохов Женевадан хабер этти.

Чыкъышнынъ мевзусы бойле шекилленди: «Къырымнынъ эалиси – территориаль алямет боюнджа дюнья топлулугъы иле дискриминация этильген миллий азлыкълар: АКъШ, Украина ве Евросоюзнынъ санкциялары, Русие иле тургъун гонъюлли укъукъий багъны корьмемезликке уруп, озюнинъ ёлуны сечкен халкъ ичюн джезадыр».«Афсуз ки, шимдики вакъытта къырым сакинлери украин акимиети ве Гъарп мемлекетлери ичюн апатридалар киби сайылалар — бу гражданлыкълары олмагъан шахыслардыр: эали озь истеги иле эльде эткен Русие гражданлыгъы ве къырым сакинлерининъ русиели весикъалары, шу джумледен янъы догъулгъан балаларнынъ весикъалары бир кимсе иле танылмай. Буннен берабер Къырым сакинлери шимдики украин акимиети ичюн энди «сабыкъ» гражданлар, «экинджи сорт» сайылалар; олар медений ве тасиль акъларда, ичтимаий теминленюв ве тыббиет сааларында акъсымланалар; сербест къатнап оламайлар», – деп, яза Молохов озь месаджында.

Онынъ сёзлерине коре, къырымлылар визалар эльде этюв меселелерини айрыджа къайд этмек планлашырыла.

«Гъарбий Авропанынъ чокъусы виза меркезлери къырым сакинлерининъ весикъаларыны къабул этмейлер ве Киевге ёллайлар, амма Къырымнынъ чокъусы сакинлери Украинагъа бармагъа сакъыналар, шимди исе, анда арбий вазиет этильген сонъ, даа зияде, чюнки оларнынъ фикирине коре, реаль хавфсызлыкъ бар, оларны миллетчилер ве ремий акимиет коллаборационизмда ве «Ватангъа хиянетлик»те къабаатлап, такъип этмелери мумкюн».

Молохов къайд этти ки, о энди Исветчиягъа келип етти. Форумнынъ сессиясы ноябрьнинъ 29-30 куньлери кече. Укъукъкъорчалайыджы русиели ватандашлар Халкъара шурасыны такъдим эте.