Четэль мемлекетлерден Къырымгъа авиабилетлер эвельден сатылувынынъ сайысы артты. Бойледже, янъы йыл байрамларына оларнынъ пайы кечкен сенеге бакъкъанда 5 файыздан 8,4 файызгъа артты. Бу акъта курорт ве туризм назирлиги хабер эте ве сеяатчылар ичюн Biletix интернет-сервисине эсаслана. 

Акъмесджитке кельмек ичюн бронь эткенлернинъ сайысына коре беш мемлекет сырасына Акърусие, Къазахстан, Алмания, Къыргъыстан ве Исраиль кирелер.

Буннен бирге русиелилер арасында янъы йыллыкъ байрамлар куньлери Къырым Сочиден сонъ экинджи ерни алды. Кечкен сене исе Къырым бу рейтингте алтынджы ерни ала эди.

Янъы йыллыкъ Къырым туристининъ портрети бойле корюне: Къырымгъа январь айынынъ башына сатылгъан авиабилетлернинъ 75% зиядеси Москвадан учып чыкъкъан туристлерге аит. Йылбаш байрамларына энъ чокъ авиабилетлер сатылгъан Русиенинъ он регионы джедвелине Санкт-Петербург, Ханты-Мансийск, Екатеринбург, Сургут, Сочи, Ростов-на-Дону, Омск, Оренбург ве Мурманск кирдилер.

Къырымгъа бронь этильген авиабилетлернинъ 53% къадынлардыр ве 47% — эркеклер. Къырымгъа йылбаш байрамларына кельмеге ниет эткен туристлернинъ 37,5%  – бу 25 яштан 40 яшкъадже сеяатчылардыр.

2019 сене январьнинъ 1-10 куньлери Русиенинъ шеэрлеринден Къырымгъа учувнынъ орта фияты эвельден бронь этилювни назарда тутаракъ 39% эксильди —  7 960 рубледен 4 922 рублегедже, бу эки тарафлыкъ ёл парасы.