Главгосэкспертиза Багъчасарайда умумтасиль мектеп къуруджылыгъынынъ лейхасыны алгъышлады.

«Рус ве къырымтатар тилинде тасиль берген мектепнинъ къуруджылыгъы балалар ичюн къошма ерлер яратмагъа имкян ьереджек: муэссисеге 600 талебе къатнай биледжек. Учь къатлы бина Мира сокъагъында къуруладжакъ», — деп, хабер эте Главгосэкспертиза идаресининъ матбуат-хызмети.

Лейхагъа бинаен, мектепте чешит фенлер боюнджа земаневий кабинетлер, тедбирлер ичюн салон ве спортзал, устаханелер, тыббий блок, китапхане, ашхане донатыладжакъ. Мектеп янындаки территорияда спортив зона оладжакъ.

Лейха яратылувында имкянлары сынъырлы олгъан балаларгъа тасиль бермек ичюн шараитлер де назарда тутула.

Мектеп къуруджылыгъына «Къырым Джумхуриети ве Акъярнынъ 2020 сенегедже ичтимаий-икътисадий инкишафы» адлы федераль макъсадлы программадан малие айырыла.