Русие эйети Варшавада кечкен ОБСЕ тешкилятынынъ демографик институтлары ве инсан акъ-укъукълары боюнджа Бюронынъ отурушувына наразылыкъ бильдиреджек. Бу Къырым вкиллерине чыкъышта булунмакъ имкяны берильмегени иле багълы.  Бу акъта РИА Хаберлерине эйеттеки менбаа тариф эте.

Хатырлатамыз, Къырым векиллерине — джумхурий кутьлевий малюмат васталарынынъ журналистлерине — топлашувда чыкъышта булунмагъа кедер эттилер. Айры алда, «Миллет» телеканалынынъ генераль мудири Эрвин Мусаев сёзге чыкъкъанда микрофон сёндирильди. Бойлеликнен,  украин эйетининъ азасы Къырым делегатларынынъ эр бир чыкъышыны Къырым «ишгъаль этильген территория» олгъаны ве ярымада векиллери РФ адындан чыкъышта булуна бильмегенлери акъта ибарелер иле больди. Канада векили, озь невбетинде, Къырым делегатларыны залдан чыкъармагъа тевсие этти, амма оны бир кимсе динълемеди.

«Русие эйети салы куню бу вазиет пейда олгъаны себебинден ОБСЕ тешкилятынынъ реберлигине наразылыкъ бильдиреджек … Ресмий суретте къайд этильген топлашув иштиракчисие къаба шекильде сёз берильмегени догъру дегиль ве бу тедбир алып барылувында джиддий тертип бозылувы сайыла», — деди агентликнинъ себутдеши.

Инсан акъ-укъукълары мевзусында ОБСЕ тешкилятынынъ демографик институтлары ве инсан акъ-укъукълары боюнджа Бюронынъ эки афталыкъ топлашувы Варшавада кече. Конференциянынъ макъсады аза-мемлекетлер акимиетлери иле къабул этильген мемлекетлер къабул эткен меджбуриетлерининъ такъризидир. Бу инсаннынъ темелий акъ-укъукълары ве сербестлиги, демократия, толдерантлыкъ ве дискриминациягъа къаршылыкъ сааларына даир меджбуриетлердир.