Къырым журналистлери инсан акъ-укъукълары боюнджа ОБСЕ конференциясында иштирак этмек ичюн Варшавагъа етип кельдилер. Амма джумхуриетте инсан акъ-укъукълары риает этильгени акъта маруза иле чыкъышта булунмагъа оларгъа рухсет этмедилер. Бу акъта «Крыминформ» агентлигине «Миллет» телеканалынынъ  генераль мудири Эрвин Мусаев хабер этти.

«Мен Къырымдаки вакъалар акъта эр кезни хабердар этмек ичюн къайд олундым. Канада, Австрия ве Украина меним чыкъышымы токътатмакъ ичюн рей бердилер. Мен РФ олмагъан субъектини такъдим эткеним ичюн меним чыкъышым вакъытында микрофон сёндирильди», – деди Мусаев.

Инсан акъ-укъукълары мевзусында ОБСЕ тешкилятынынъ демографик институтлары ве инсан акъ-укъукълары боюнджа Бюронынъ эки афталыкъ топлашувы Варшавада кече. Конференциянынъ макъсады аза-мемлекетлер акимиетлери иле къабул этильген мемлекетлер къабул эткен меджбуриетлерининъ такъризидир. Бу инсаннынъ темелий акъ-укъукълары ве сербестлиги, демократия, толдерантлыкъ ве дискриминациягъа къаршылыкъ сааларына даир меджбуриетлердир. 

Бу сене тедбирге Къырым кутьлевий малюмат васталарынынъ секиз векили кеттилер. Оларнынъ арасында – «Миллет» телеканалынынъ эки хадими — бу къырымтатар тилинде яйынлагъан екяне телеканалдыр. Олар конференция иштиракчилерине ярымадада миллетнинъ реаль вазиети акъта  тариф этмеге планлаштырдылар.