Профиль хызметлер эр даим Эрмени Базарда ве бутюн ярымадада аванынъ ве ягъмур сувынынъ химик теркибини козетелер. Эалининъ сагълыгъына телюке догъургъан косьтергичлер къайд этильмей.

Бойлеликнен, МЧС хадимлери Къырымда экшиликли, яни кислот ягъмурлар ягъгъаны акъта эмиш-демишлерни ред эттилер. 

Завод «Крымский титан»
Эрмени Базарда не ола. Ава харапланувы иле вазиет

«Эрмени Базар боюнджа ич бир лабориятория экшиликли ягъмур къайд этмеди. Эрмени Базарда ягъанакъларнынъ орта айлыкъ нормасы тахминен 14-15 миллиметр оладжагъы беклениле. Эали бу мевзу боюнджа ич бир ярамай фикир этмек биле керек дегиль», — деп, хабер этти РИА Хаберлерге джумхуриет боюнджа РФ ГУМЧС хызметиининъ ребери Владимир Иванов.

Онынъ сёзлерине коре, ярымаданынъ дигер регионлары ичюн де ич биз хавф ёкъ.

«Ич би экшиликли ягъанакъ Къырымда ёкъ. Вазиет даима незарет этиле. Бу эм де бухран вазиетлер идаре этилюв меркезининъ незаретинде булуна. Не Эрмени Базар, не де башкъа мескен ерлер ичюн экшиликли ягъмурлар хавфлы дегиль», — деди Иванов.

Вазиетни токътамаздан эм де Роспотребнадзор козете.

Армянск
Къырым акимиети Эрмени базар шеэринде ава бозулгъанынынъ себебини таптылар

«Эписи керекли чарелер бакъылды. Эалиге телюке ёкъ. Балалар ве буюклер хасталангъаны ве мураджаат эткенлерининъ талили косьтерди ки, учь йл девамында тамам бойле девирде мураджаат эткенлернинъ сайысы ве диагнозлары боюнджа феркъ ёкъ. Мураджаат эткенлер арасында кичик балалар олмагъаны да къайд этиле. Экимлер инсанларнынъ алы яхшы олгъаны ве шикяетлер олмагъаны акъта малюмат берелер — деп, къайд этти джума куню федераль муэссисенинъ ёлбашчысы Анна Попова.

О, къошты ки, заводнынъ иши тамамиле  токътатылмакъ ичюн эки сутка вакъыт керек оладжакъ. Ишчилер озь айлыкъларыны алалар. Заводнынъ фаалиети толу шекильде хавфсыз олгъаны тасдыкъланмагъандже о, чалышмайджакъ.

Эрмени Базарда августнынъ сонъунда аваны кирлеткен мадде даркъалувы себебинден эвлернинъ дамларында ве тереклернинъ япракъларында сары тюсте ягълы пас пейда олды. Бунынъ себеби, эвельки малюматкъа коре, «Крымский Титан» адлы заводта («Титановые инвестиции» ООО идаресининъ филиалы) къулланылгъан  экшилик топлагъан донатманынъ ичиндеки бувланув олды.