Акъмесджитте ТавридаТЭСининъ биринджи блогы  штат низамда чалыштырылып башланды. Объект 100% номиналь кучь иле чалыша. Бу акъта РИА Новости агентлигине  «Ростех» адлы девлет корпорациясына кирген «Технопромэкспорт» идаресининъ матбуат-хызмети хабер эте.

«Акъмесджит (Таврия) ТЭСининъ биринджи энергоблок къысмы штат низамда ишке къошулды ве 100% номиналь кучь иле чалыша. Акъяр ТЭСининъ биринджи энергоблок къысмы ишке къошулмагъа азыр ве якъын куньлерде энергия берип башлайджакъ. Шимдики вакъытта тешкерюв тедбирлер екюнлене ве объектлернинъ весикъалары ресмийлештирилюви иле багълы суаллер чезиле», — деп, хабер эттилер ширкетте.

«Ростех» адлы девлет корпорациясына кирген ООО «ВО «Технопромэкспорт» ширкети Акъярда Балаклава ТЭС къуруджылыгъыны  ве Акъмесджитте Таврия ТЭС къуруджылыгъыны алып бара, эр бирининъ кучю 470 МВт. Июнь айында РФ акимиети  озь къарары иле биринджи эки энергоблокларнынъ эксплуатациягъа кирсетилюв муддетини 2018 сененинъ сентябрь бирине (майыснынъ 19-дан) кечирген эди, оларнынъ эр бирининъ кучю 235 МВт тешкиль эте. Акъяр ТЭСининъ экинджи блокы октябрьнинъ 1-не кечирильди, Акъмесджит ТЭСи исе ноябрьнинъ 1-не кечирильди (эвеллери бу эки блок ичюн муддет июнь айынынъ 18 куню сайыла эди).