Озьбекистан гражданына Русие паспортыны ресмийлештирмеге ваде эткен Къырым къадыны  ФСБ хадимлери иле якъаланды. Озь хызметлери ичюн о 150 бинъ рубле сорады. Бу акъта Къырым Джумхуриети ве Акъяр шеэри боюнджа УФСБ хызметининъ матбуат-хызмети хабер этти.

«Тайин этильди ки, къыз, пара къазанмакъ ичюн, джинаий план ишлеп чыкъарды. О, ялан айтып, Русие миграцион хызмети органларында Русие Федерация гражданынынъ паспортыны ресмийлештирювде ярдым эткени ичюн олардан пара талап эте эди.  Къабаатлангъан къадын потенциаль муштерини тапты, бу Озьбекистан Джумхуриетининъ ватандашы Русие Федерация гражданлыгъыны ве Русие гражданы паспортыны эльде этмеге истей эди», – деп, хабер эттилер федераль хывсызлыкъ хызметинде.

Идаренинъ матбуат-хызмети берген малюматкъа коре, пара алгъан сонъ яланджы къадын ваде эткен ишлерни беджермеге ниет этмей эди. Якъалангъан сонъ исе толусынен къабаатны бойнуна алды. Онъа нисбетен джинаий иш ачылды.