Къырымда сентябрьнинъ башында аномаль сыджакъ ава беклениле, ава арарети 35 градускъадже къызаджакъ, деп, хабер эте Къырым джумхуриетининъ февкъуляде вазиетлер назирлиги идареси ве мереорологларнынъ малюматына эсаслана.

«Къырым гидрометеорология ве этрафтаки муит мониторинги боюнджа» федераль девлет бюджет муэссисеси берген малюматкъа коре, августнынъ 29-дан сентябрьнинъ 2-не къадар Къырымда аномаль сыджакъ ава беклениле, бир суткада орта дередже ава арарети иклим нормасындан 7 градускъа ве бундан зияде юксекче оладжакъ», — деп. хабер эттилер февкъуляде вазиетлер назирлигинде.

Бу девирде, шу джумледен мектеплерде сентябрьнинъ 1-де, окъув йылы башлангъанына багъышлангъан тедбирлер кечирильген вакъыт, ава арарети 33-35 градускъа котериледжек, деп, хабер эттилер Къырым синоптиклери. Къырым ялысында денъиз сувнынъ арарети августнынъ сонъунда 24-26 градусны тешкиль эте.