Дюньяда энъ гузелье клифф-дайверлер кене де Къырымда топланаджакълар ве энъ дюльбер манзаралы юксекликлерден бирини — Симеизде Дива къаясыны «енъеджеклер». Crimea world games тедбирининъ экинджи чемпионаты августнынъ 18-де олып кечеджек. Невбеттеки сефер олгъаны киби, иштиракчилер 27 метр юксекликтен сувгъа сычрайджакълар.

«Россия для всех» порталына белли олгъанына коре, бу сене дюньянынъ докъуз мемлекетинден 12 спортчы ярышлашаджакъ. Бу мемлекетлер арасында АКъШ, Колумбия, Буюк Британия. Кечкен сене оюнларынынъ нетиджеси боюнджа эр кезге таныш Артем Сильченко да чыкъышта булунаджакъ, о, Русиеден.

Тешкилятчылар ярыш мейданларыны энъ гузель тарафтан корьмеге тевсие этелер: Симеизнинъ искелеси ве пляжы. Билетлерни сатын алмакъ керек дегиль — эр шейни бедава корьмек мумкюн оладжакъ. Эм де экстрим севгенлерни тенбиелейлер, къая янындаки мейданда махсус парковка олмайджакъ.