Русели космонавт ве Акъярда догъгъан Антон Шкаплеров, NASA астронавты Скотт Тингл ве JAXA астронавты Норишиге Канаи аман-эсен Ерге къайттылар. "Союз МС-07" гемининъ капсуласы  МКС экипажынынъ азалары иле базар куню Къазахстанда Жезказган шеэрине якъын ерге къонды. Эписи космонавтлар озьлерини яхшы дуялар. Бу акъта РИА Новости хабер этелер.

Ичтимаий агъларда Шкаплеров МКС-те булунгъан вакъыт онынъ сонъки неширлеринден биринде Къырым копюрининъ космик фоторесими олды.

«Меним учюнджи учувым екюнлене, ве мен кяинаттан копюр къуруджылыгъыны незарет этювимни токътатам. Энди Ерден козетеджем», — деп, тевсир этти тасвирни космонавт озю.

 

 

Бу экипаж МКС-те 168 сутка булунды. Бу вакъыт девамында онынъ азалары ильмий-амелий тедкъикъатлар программасыны беджердилер, МКС ишине къол туттылар ве оны донатылувыны девам эттирдилер. Оларнынъ ерине американ астронавт Эндрю Фойстел ве бортинженерлер: русиели Олег Артемьев ве  NASA астронавты Ричард Арнольд турдылар.

Антон Шкаплеров 1972 сене  февральнинъ 20 куню Акъярда догъды Севастополе. 1997 сене Жуковский адына Арбий-ава муэндислик академияны «учюджи- муэндис-тедкъикъатчы» зенааты боюнджа битирди.  Биринджи кере 2011 сене ноябртнинъ 14 куню  «Союз ТМА-22» космик гемининъ командири оларакъ кяинаткъа чыкъты. Экинджи кере —2014 сене ноябрьнинъ 24-де. Ве учюнджи — 2017 сене  декабрьнинъ 17-де. 2013 сене Русие президентининъ эмири иле Русие Федерациясынынъ Къараманы унваныны эльде этти.