Къырым учь йылдан берли русиелилер ичюн энъ истенильген раатланув ерлери рейтингинде биринджи ерде тура. Бу Умумрусие джемиет фикир огренилюви меркезининъ (ВЦИОМ) малюматына коре. 

«37% граждан бильдирелер ки, имкяниет олса, бу язны тамам шу ерде кечирер эдилер.  Четэль (21%) эки мевсимден берли Кавказнынъ къара денъиз ялысындан артта къала (33%)", — деп, языла мальземелерде. Русиенинъ башкъа ерлерини, ВЦИОМ малюматына коре, респондентлернинъ 17% зиярет этмеге истер эдилер.

Къырымда раатланувнынъ эсас устюнликлери арасында русиелилер дюльбер табиатны  (26%), темиз денъизни ве яхшы пляжларны (23%), эйи ве хош иклимни (19%), тарихий ве дикъкъаткъа ляйыкъ ерлер олмасыны (10%) къайд этелер. «Маниа олгъан шей исе, энъ эвеля, фиятлардыр», деп, къайд этелер социологлар, — соралгъанларнынъ 20% Къырымда фиятлар юксек олгъаны акъта айталар, даа 7% Украинагъа якъын олагъыаныны ве стабиль олмагъан сиясий муитни бельгилейлер ве озь хавфсызлыгъыны къайгъыралар. 

Эгер русиелилернинъ огдеки яз мевсимине  реаль планлары акъта айтсакъ, Кавказнынъ къара денъиз ялысы курортларыны 12% сечтилер, Русиенинъ башкъа шеэрлерине исе  —респондентлернинъ 14%. Сорав косьтергенине коре, даа 9% русиелилер, бу язда Къырымда раатланмагъа планлаштыралар.

Бундан гъайры, соралгъанларнынъ  42% хабер эттилер ки, ярымадагъа келеджек сене я да бундан сонъ кельмеге ниет этелер. Затен бу косьтергич 2014 сененинъ 27файызындан артты. Буннен бирге, респондентлернинъ 44% сорав кетишатында бильдирдилер ки, Къырымгъа бармайджакълары акъта айттылар. 

Бу сене язда четэльге бармагъа 8% русиелилер планлаштыралар: 4% узакъ четэльге бармагъа истейлер, 1% — Прибалтикагъа, даа 3% — сабыкъ СССР территориясындаки башкъа ерлерге.

Умумрусие сорав «ВЦИОМ-Спутник» майыснынъ 14-15 ве 20-21 куньлери  18 яшлы 2 бинъ респондент арасында кечирильди.  Соравнынъ усулы — телефон вастасы иле интервью, статистик хата къачырылувы — 2,2%.