Москвада «Георгиевская ленточка» адлы акция башланды. Тарихий хатырагъа урьмет косьтерюв тимсалини «Россия сегодня» халкъара  информацион  агентликнинъ диварлары янында даркъатып башладылар. Бу идаренинъ журналистлери 2005 сененинъ майыс айында бу аньанени уйдурдылар. Бу сене акцияда Русиенинъ 85 регионы ве 70-тен зияде мемлекет къошуладжагъы беклениле.

«Георгиевская ленточка» адлы акция насыл муитте ве не макъсад иле уйдурылгъаныны хатырламакъ пек муимдир.  Бу сиясеттен тыш лейха эди, о тарихий хатыраны сакълап къалувгъа догъуртыла. Ве эгер локаль ве къыскъа киби планлаштырылгъан акция  халкъ аньанесине чевирильсе, онынъ эвельки манасыны сакълап къалмагъа истер эдик: Улу Ватан дженки контекстинде шахсий аилевий тарихны сезмек, ХХ асырнынъ ортасында юзь берген фаджиалы вакъиаларны догъру анъламакъ ве къабул этмек, мемлекетимизнинъ эр бир аилеси башындан кечирген къурбангъа урьмет косьтермек», — деп, хатырлатты акция башлангъан вакъыт гъаенинъ муэллифи, «Россия сегодня» ХИА баш муаррирининъ муавини Наталья Лосева.

© РИА Новости, В. Трефилов
Эр йыл кечирильген «Георгиевская ленточка» адлы акция

Тарихий хатырагъа урьмет акъта эм де «Освобождение Европы» серлевалы интерактив серги «Россия сегодня» ХИА диварлары янында ачылды.  Серги уникаль кадрлардан топланды, оларны агентликнинъ хадимлери 1945 сене чеккен эдилер. Махсус ачылув мерасимине  языджы ве тарихчы, «Россия сегодня» ХИА публицисти Петр Романов мусафирлер ичюн муэллиф экскурсиясыны кечирди. Оны QR-код вастасы иле эшитмек мумкюн. Аудиогидни истегенлер эписи майыс айынынъ сонъунадже izi.travel илявеси иле  динълей билелер. Иляведе фоторесимлер ве оларгъа язылгъан метинлер топланды.

Акция бинълердже «Гъалебе волонтёрлары» иле бутюн Русиеде кечириле. Оларгъа Роспатриотцентр ве Россотрудничество идерелери къол тута ве ярдым эте. «Георгиевская ленточка» акциясынынъ гъеси  2005 сене агентликнинъ одаларында догъды  (2005 сене — РИА Новости, 2013 сенеден берли — «Россия сегодня» ХИА) «Студенческая община» адлы джемиет тешкиляты оларнен берабер бу иште иштирак эте. О вакъыттан берли акция тек умумрусие дегиль де, халкъара олды.

«Россия сегодня» ХИА — халкъара медиагруппа, онынъ вазифеси дюньяда юзь берген вакъиаларны оператив ве догъру айдынлатмакъ, окъуйыджыларны чешит дюньябакъышлар акъта хабердар этмек. «Россия сегодня» ХИА агентликнинъ бир къач информацион  ресурсларыны такъдим эте: РИА Новости, Р-Спорт, РИА Недвижимость, Прайм, РИА Рейтинг, ИноСМИ. Четэльде медиагруппа халкъара хаберлер агентлиги ве Sputnik радиосы иле такъдим этиле.