Белли серб режиссёры ве чалгъыджы Эмир Кустурицанынъ ве онынъ The No Smoking Orchestra такъымынынъ биринджи ве екяне концерти базар куню июльнинъ 23-де Ялтада толу аншлаг иле кечти.

Буннен берабер 2 бинъ инсан сыгъдыргъан «Юбилейный» концерт салонында оларнынъ «По млечному пути» адлы янъы программалары иле таныш олмагъа истегенлер ичюн билетлер 1,5 бинъден 7,2 бинъ рублегедже сатылды.

Дирижёр Эльмира Мухтерем
Эльмира Мухтерем: Эгер дирижёр залым олса, эсер яратылмаз

Бир къач йыр иджа эткенден сонъ соло иджраджы санагъа сейирджилерни давет этти. Бойлелерден 30 къыз тапылды, олар залнынъ сызгъырувы ве окюрюви иле санада чалгъыджынен берабер оюн тешедилер. Эмир Кустурица, адеттен тыш оюн арекетлерини иджра этип, оларны текрарламагъа тевсие этти.

Сейирджилерни залгъа озгъаргъан сонъ, такъым мухлислернен бирлешювни девам этти. Олар толу шекильде тедбирнинъ иштиракчилери олдылар, — бу тамам чалгъыджы озь концертлеринде иришкен макъсадтыр. Эвель о, Къырымдаки тедбир истисна олмайджакъ деп, айткъан эди.

Меселя, «Ромео ве Джульетта» йырыны иджра этмек ичюн о, Джульетта ролюни иджра этмек ичюн залдан бир иштиракчи къызны давет этти. Бу инсан 15 дакъкъагъа толу шекильде коллективнинъ иштиракчиси олды. Такъым иштиракчилери атта саналаштырув япып, Джульетта этрафында ерге яттылар.

Бираз кечче чалгъыджылар залгъа тюштилер, чалгъы алетлерини токътамай чалып,  сыралар бою кечтилер.

Сонъунда сейирджилер артистлерни девамлы вакъыт «бис»,деп, чагъырдылар. Ве, ниает, такъым иштиракчилери кенеде санада пейда олдылар ве даа бир къач йыр иджра эттилер. Бундан сонъ сейирджилер даа девамлы вакъыт такъымны эльчырпмаларнен алгъышладылар. 

«Мальдивыге бойлелер учмай». Волочкова Къырымгъа концертлернен кельди
«Мальдивыге бойлелер учмай». Волочкова Къырымгъа концертлернен кельди

Янъы программа черчивесинде Эмир Кустурица ве The No Smoking Orchestra такъымы «Черная кошка, белый кот», «Жизнь как чудо» ве «Время цыган» фильмлер  режиссёрынынъ белли эсерлеринден композициялар иджра эттилер.

«Мен Ялтаны Экинджи джиан дженки девиринде тизильген анълашмадан берли билем. Ялтада ава пек гузель олгъаныны, мында къызлар пек яхшы олгъаныны билем. Мен ичюн мында эр шей меракълы, чюнки сизлер де Русие Федерациясынынъ къысмы оласыз», — деп, бильдирди такъымнынъ лидери Къырымгъа кельгенинен.  Кустурицанынъ сёзлерини РИА Новости алынма шекилинде яза.