Эсас саифеге
Эр кезге къуванамыз:
чокъ миллетли Москванынъ тарихы
Москванынъ темели къоюлгъандан берли шеэр дигер шеэрлерден ве девлетлерден инсанларны джельп эте эди. Мында иш, эв, къанунсызлыкътан имае тапмакъ, чешит малларны сатмакъ я да ялмакъ мумкюн эди.

Князьлар, боярлар ве монастырьлер шеэрге олдукъча чокъ эмексевер эснафчыларны джельп этмеге тырыша эдилер. Москванынъ инкишафына шеэрлилернинъ топлу яшагъан ерлери ярдым эте эди. Слободалар, мисаль ичюн, зенаат фаалиетке коре пейда ола эдилер. Эснафчылар берабер яшай эдилер: демирджилер - демирджилернен, териджилер - териджилернен. Бойле слободаларнынъ сакинлерине айры имкяниетлер бериле, меселя, бергилерден азат этилюв. «Слобода» сёзюнинъ синоними «свобода», яни «азатлыкъ» демектир.

Москвада эм де миллий слободалар бар эди. Ве шимдики куньгедже, сокъакъларнынъ адлары иле шеэр боюнджа къылавузны саифелегенде, татар, акърусие, гурджи, эрмени, малоросие ве дигер койлери олгъаныны хатырламакъ мумкюн

Карта Татарской слободы
Татар слободасы ©РИА Новости
Татар слободасы – Ордынка – Толмачи

Татар слободасы узакъ XIV асырда Москвада этник ерлернинъ пейда олувына себеп олды. Тамам шу слобода бойле бир ер олды ки, анда шеэрге узакътан кельген четэль сакинлери топлу шекильде яшап башладылар.

Татар слободасы Замоскворечье деген ерде ерлеше эди, шимди бу Большая Татарская ве Пятницкая сокъакълары. Мында Алтын Орду ве Поволжье татарларынынъ несиллери яшагъан. Районны татарлар тесадюфен сечкенлери ёкъ, чюнки тамам мында Алтун Ордугъа ёл кете эди, бу акъта Ордынка сокъагъынынъ ады малюмат ташый. Эр бир Москва сакинине белли сокъакъ шимдикине бакъкъанда, о вакъытлары баягъы узунджа эди.

Татар слободасы XVII асырнынъ башына (1619 сенеге) аит олгъан менбааларда анъыла, ве бу ад тап XX асыргъадже сакъланып къалды. XVII асырда Татар слободасына Толмацкая слободасы къошулды, анда терджимеджилер-толмачлар яшай эди, бу зенаат иле багълы оларакъ кварталны Толмачи ве Старые Толмачи деп, адлай эдилер. Толмачларнынъ эксериети къырымтатарлар эди, олар Москва ве Къырым арасындаки музакерелерде иштирак эте эдилер. Олар эписи бир слободада яшай эдилер, бу акъта «Новокузнецкая» метросына якъын ерде земаневий Толмачёв бурулышлары хатырлаталар.

Карта ТолмачейСлева: Вид на Большой Толмачевский переулокСправа: Карта Томлачей; слева: Вид на Большой Толмачевский переулок
Солдан: Буюк Толмачев бурулышына корюниш ©РИА Новости.

XVIII-XIX асырларнынъ сынъырларында бойле бир толмачларнынъ азбарында (догърусы, о вакъыт оларны энди Четэль коллегиянынъ терджиманлары деп, адлай эдилер), Суламита-мурза Симинея князьлери, джами бар эди, онынъ бинасы 1812 сене, янгъын вакъытта ёкъ олды. 1823 сене Москва акимиети Назарбай Хашаловнынъ азбарында ибадетхане къурмагъа къарар алдылар. Амма бир шарт иле, «бина джами деп адланмайджакъ...» ве «...тыштан джами киби корюнмейджек». Ве тек 1880 сене татар джемиети, ниает, эвельки ерде толу манада джами къурулувы, минарелери ве къуллеси иле джами къурмакъ ичюн рухсет эльде этти.

1939 сене джами къапалы эди, минаре исе - йыкътырылды, бундан сонъ джами бинасында де военкомат, де устаханелер ерлеше эди. 1993 сене минаре гъайрыдан тикленильди, ве Тарихий деп адландырылгъан, энъ эски Москва джамиси кене чалышып башлады

Слева: Историческая мечеть с минаретом; справа: Татарский культурный центрСлева: Историческая мечеть с минаретом; справа: Татарский культурный центрСлева: Историческая мечеть с минаретом; справа: Татарский культурный центр
Солдан: Тарихий джами ве онынъ минареси; онъдан: Татар медений меркези ©РИА Новости. Маклакова Юлия

Замоскворечье татарлары иле эм де земаневий Балчуг сокъагъынынъ ады багълы. Меселе шунда ки, татарлар Москванынъ тиджарий яшайышында фааль иштирак эте эдилер, онынъ меркези исе Охотноый Ряда ве Китай-город районлары эдилер. Амма бу ерлерге барып етмек ичюн татарлар Москва-река озенини кечмек керек эдилер, буны исе Кремль районында япмакъ мумкюн эди, бу ерде озен сай эди, ве зиядедже батакъкъа ошай эди. Тамам бу крли ерни татарлар «балчех», я да «балчых» деп, адлай эдилер, бу кир, батакъ ер деген мананы ифаделей эди. Сонъра бу ердеки сокъакънынъ ады Балчуг оларакъ къалды.

Балчуг деп, Водотовод каналы къурулгъан ерде пейда олгъан бутюн ада адлана. Лякин ерли сакинлер бу адны пек сийрек къулланалар. Озьара оны садедже «ада» я да «Болотный» деп, адлайлар, бу ад якъын ерде ерлешкен мейданнен багълы

Серлевасы Алтын Ордудан тамыр аткъан даа бир ер де XIV асырнынъ экинджи къысмында пейда олгъан эди, бу ер Москванынъ бутюнлей башкъа районыныда ерлеше. Алтын Орду девиринден улу князь Дмитрий Донской (о заманлар исе Улус Джучиде къалабалыкъ девири эди, 20 йыл девамында Алтын орду тахтында 25-тен зияде хан денъишти) Серкиз (я да Черкиз) царевичи чыкъты. Москвада царевич чокъунды, Иван Серкизов (Черкизов) адыны алды ве кениш топракъларнынъ саиби олды - оларны о я да Орду байлыкъларына сатын алды, я да олар князь тарафындан эдие олды. Олар арасында эм де Подмосковье кою олды, сонъра онъа Черкизово деген ады берильди.

Карта Армянского переулка
Эрмени аралыгъы ©РИА Новости
Эрмени аралыгъы

Эрменилер Москвада тесадюфен пейда олмадылар: оларнынъ кочип кельмеси девлет севиесинде тешкиль этильген эди. Иван Грозный озю Москвагъа эрменилер давет этилюви акъта эмир чыкъаргъан эди. XIV асырда олар Белый город районларында, Столпы деген ерде 1938 сенеси виран этильген кильсе этрафларында ерлеше эдилер. XVIII асырнынъ ортасында исе рус пайтахтына зенгин эрмени Лазаревлер (Егизарянлар) аилеси кочип кельди. Оларнынъ параларына Мясницкая сокъагъындан Маросейкагъадже узангъан тар сокъакъта Воздвижение Креста Господня кильсеси тикленильген эди.

Ве ерменилер яшап башлагъан ерлернинъ янындаки де Артамонов, де Никольский, де Столповский деп, адланылгъан аралыкъ, я да тар сокъакъ Армянский адыны ташып башлады. Крестовоздвиженска кильсесинден гъайры зенгин эрменилернинъ параларына эм де Лазарев институты тикленильди. Бугунь онынъ бинасында Русиеде Эрменистаннынъ эльчиханеси ерлеше.

Эрмени аралыгъы иле белли эдебиятшынас Фёдор Тютчевнинъ ады сыкъ багълы

1810 сене Тютчевлер мирас оларакъ эльде этильген ве буюк къоранта ичюн тарашлыкъ олгъан эвни саттылар, сонъра Эрмени аралыгъында янъы эв сатын алдылар. Оларнынъ замандашлары хатырлайлар ки, буны эв деп, адламакъ агъыр эди, о зиядедже сарайны анъдыра эди. Бу эвде Эрмени аралыгъында Фёдор Тютчевнинъ балалыгъы ве генчлиги кечкен эди, бу ерде о ильк шиирлерини язды ве рома классиклернинъ эсерлерини биринджи сеферлери терджиме этти.

Слева сверху: Посольство Республики Армения в Российской Федерации; слева внизу: усадьба Гагариных-Тютчевых в Армянском переулке и во дворе усадьбы – бюст-памятник Федору Тютчеву; справа: портрет Федора Тютчева работы С.Александровского (1876)Слева сверху: Посольство Республики Армения в Российской Федерации; слева внизу: усадьба Гагариных-Тютчевых в Армянском переулке и во дворе усадьбы – бюст-памятник Федору Тютчеву; справа: портрет Федора Тютчева работы С.Александровского (1876)Слева сверху: Посольство Республики Армения в Российской Федерации; слева внизу: усадьба Гагариных-Тютчевых в Армянском переулке и во дворе усадьбы – бюст-памятник Федору Тютчеву; справа: портрет Федора Тютчева работы С.Александровского (1876)
Солдан тёпеде: Русие Федерациясында Эрменистан Джумхуриетининъ эльчиханеси; солдан ашада: Армянкий аралыгъында Гагаринлер-Тютчевлернинъ эви ве эвнинъ азбарында - Федор Тютчевнинъ абидеси; онъдан: С.Александровский яраткъан Федор Тютчевнинъ портрети (1876) ©РИА Новости. Маклакова Юлия

Эрмени аралыгъы янларында тап XVI асырда четэль эльчилери де, рус дипломатлары да яшай эдилер. Бираз сонъра - XVIII асырнынъ сонъундан башлап - мында рус медениетининъ белли иджаткярлары яшап башладылар. Весикъалар берген малюматларгъа коре, Тютчевлер эвинде Жуковский, Мерзляков, Тургеневлер агъа-къардаш ола эдилер. Якъын ерлешкен сокъакъларда Карамзин, дипломат ве языджы Иван Муравьёв-Апостол ве чокъусы дигерлер яшай эдилер. Бойле адамлар яш Тютчеввге тесир эттилер, сонъра бу генч мутехассыс дипломат карьерасыны сечти, амма чокъусылар ичюн бойле сатырларнынъ муэллифи киби белли:

Умом Россию не понять,
Аршином общим не измерить:
У ней особенная стать -
В Россию можно только верить

Мещанская слобода
Мещан слободасы ©РИА Новости
Мещан слободасы

Белоруслар Москвада Аллахтан пейда олдылар, демек мумкюн. XVI асырда олар Речь Посполитая деген ерден Белокаменная деген ерге келе эдилер, кочювнинъ себеби - белоруслар православ христианлары олгъанлары ичюн, оларны сыкъыштырып башлагъан эдилер.

Тарихчылар къайд этелер ки, Москвадан бойле бир эйетлер келе эди, олар белорусларны пайтахткъа кочьмеге давет эте эдилер. Москва княжествосы диндашлар кельгенини ситей эдилер, эм де белоруслар яхшы усталар киби белли эдилер. Тешеббюске эм де рухиетчилер ве патриарх Никон къол туттылар, чюнки янъы Иверский ве Новоиерусалимский монастырьлерини къурмакъ ичюн усталар етишмей эди.

Махсус кочип кельгенлер ичюн Москванынъ шималинде ер айырылгъан эди, Земляной Город ерининъ Сретенские ворота деген территориянынъ артында. Бу ер Мещан слободасы деп, адландырылды: лех сёзюнден mieszczanie («месчане», яни шеэрлилер)

Буннен бирге слободагъа тек белоруслар дегиль де, эм де лехлер ве диггер славян халкъларнынъ векиллери келе эдилер. Энди Екатерина II девиринде «мещане» сёзю Речь Посполитая дегер ерден кельгенлерни ифаделемеге вазгечти ве сюляле адыны ташып башлады.

Москва планлаштырувында шимдигедже бу слободанынъ излери къалды: бу бир къач узун, бир бирине параллель шекильде ерлешкен сокъакълар, олар якъын вакъыткъадже Мещан сокъакълары деп, адлана эдилер.

Сабыкъ слободанынъ баш сокъагъы, 1-нджи Мещанская, 1957 сене о вакъыт Москвада кечирильген Умумдюнья генчлер фестивали себебинден Мира джаддесине чевирильген эди (1917 сенеден сонъ о, къыскъа вакъыт 1-нджи Гражданская деп, адлана эди); 2-нджи Мещан сокъагъы 1966 сене Гиляровская сокъагъына чевирильди, 3-нджиси - 1962 сене - Щепкина сокъагъына, 4-нджи озь адыны сакълап къалды ве 1966 сене садедже Мещан сокъагъы олды.

Тамам 1-нджи Мещан сокъагъы бутюн слободанынъ баш сокъагъы олгъаны тааджиплендирмей, чюнки бу сокъакъ эвель де бар эди: бу ерден эсс ёллардан бири кече эди, о бир къач княжестволарыны багълай эди - бу Москва, Переславль-Залесский, Ростов, Ярославль

Сокъакъ озю девамлы вакъыт тынч эди, тар къалдырымлар ве кичик эвчиклер, оларнынъ этрафларында исе тереклер ве эрылгъан осюмлиги сачыла эди. ХХ асырнынъ башында 1-нджи Мещан сокъагъында буюк эвлер ве тюкянлар пейда олып башлады. Амма буюк денъишмелер 1930-нджы сенелернинъ сонъунда юзь берип башлады: сокъакъ кой ходжалыкъ сергиси ичюн баш кириш олды, ве онынъ ичюн керекли киби донатылды.

XVIII асырда 1-нджи Мещан сокъагъынынъ башында онынъ сол тарафындан бир къач буюк ве зенгин эв ерлеше эди, олардан даа базы бир шейлер къалды. Бойлеликнен, мимарджылыкъ академиги лейхасы боюнджа 1893 сенеси къурулгъан Загорский 3-нджи эвнинъ азбарында учь къатлы эвни корьмек мумкюн, анда классик декорнынъ къолымтылары корюне. XVII асырнынъ сонъунда мында зенгин базиргян Матвей Евреиновнынъ эви олгъан эди.

Слева и справа вверху: начало улицы Проспект Мира, доходный дом купца Камзолкина (был построен в 1885 году на основе городской усадьбы XVIII века); справа внизу: фрагмента старой постройки во дворе дома купца КамзолкинаСлева и справа вверху: начало улицы Проспект Мира, доходный дом купца Камзолкина (был построен в 1885 году на основе городской усадьбы XVIII века); справа внизу: фрагмента старой постройки во дворе дома купца КамзолкинаСлева и справа вверху: начало улицы Проспект Мира, доходный дом купца Камзолкина (был построен в 1885 году на основе городской усадьбы XVIII века); справа внизу: фрагмента старой постройки во дворе дома купца Камзолкина
Солдан ве онъдан тёпеде: Проспект Мира сокъагъынынъ башы, базиргян Камзолкиннинъ келир эви (XVIII асырнынъ шеэр эви эсасында 1885 сене къурулгъан эди); онъдан ашада: базиргян Камзолкин эвининъ азбарында эки иншаатнынъ къысмы ©РИА Новости. Маклакова Юлия
Маросейка

Моксквагъа кочькен украинлилер, яшамакъ ичюн Маросейка сокъагъыны сайладылар. Бу сокъакъ, къадимий Покровская (Поровки) сокъагъынынъ къысмы озь адыны XVII асырда веке по Малороссийское подворье (янълышлар иле Малоросейка - Маросейка) боюнджа алды. Плдворье Маросейка ве Буюк Златоустинский аралыгъы кошесинде, шимдики 9 ве 11 эвлери олгъан ерде ерлеше эди. Подворье токътав ери эди, ве буннен берабер Малороссиядан Москвагъа кельген эписи адамлар бу ерде ятып къала ве раатлана эдилер. Эсасен, бу базиргянлар, эльчилер, рухиятчылар эдилер.

XV-XVI асырларда Покровкада чарларнынъ багъчалары ерлеше эди; Маросейка бою Преображенское ве Измайлово къасабаларына «чарлар ёлу» эенгинлерни джельп эте эди. Онынъ ичюн бу ер о вакъытларда энъ бай район олгъаны тааджиплендирмей.

XVII асырда Маросейкада ерлешкен 83 эвден 63 бояр къоранталарынынъ эвлери эди

Маросейканы эм де четэль сакинлери бегендилер, амма рухиятчылар мында ят адамлар кельмесин, дедилер. Ве 1643 сене эмир чыкъты, онъа коре четэль сакинлерине азбарларны сатын алмакъ ясакъ этиле эди. Чар Алексей Михайлович исе атта эписи авропалыларны шеэрден Немсе слободасына къувып башлады. Четэль сакинлери Маросейкагъа тек Пёрт реформалары девиринде къайттылар.

1812 сененинъ буюк янгъынындан сонъ, Маросейка сокъагъынынъ дженюбий тарафы бутюнлей янып биткен сонъ, чешит базиргянлар янгъан эвлерни сатын алып, оларны гъайрыдан къура эдилер. Меселя, белли Румянцевлар къорантасында янъы саип базиргян Каулин зенгин донатмаларны ёкъ этти, Грачёвлар базиргянлары исе оны янъыдан тиджарий азбар оларакъ къурдылар. Маросейкада Иван Мазепа яшай эди, о Петр I-нинъ энъ якъын достларындан эди. Сонъра исе Шималий дженкте Русие девлетининъ ракъиби - Ичветчия къыралы Карл XII тарафына гизли кечти. Саткъынлыкъ ичюн унванлары ве мукяфатлары алынды ве ольдюрильди. Мында эм де чар Алексей Михайловичнинъ энъ якъын бояры Артамон Матвеев (шимдики Эрмени аралыгъы бир вакъытлары тамам онынъ шерефине Артамонов аралыгъы деп адлана эди).

Совет девиринде, 1954 сенеден башлап, сокъакъ Богдан Хмельницкий адыны ташый эди. Тек 1990 сене Маросейкагъа онынъ эвельки адыны къайтардылар

Меракълы ки, Москва акимиети иле бир къач кере «Маросейка» метро станциясыны къурмагъа къарар алгъан эди. Биринджи кере бу гъае 1930-нджи сенелери пейда олгъан эди, амма 1935 сене Москванынъ генпланы къабул этильген сонъ, оны узакъ муддетке къалдырдылар. Экинджи кере метро акъкъында 1970-джи сенелернинъ сонъунда айтып башладылар: «Маросейка» иле метронынъ портакъал, мавы ве мор пытакъларыны багъламагъа истедилер. 2008 сененинъ март айында пайтахт накълие департаментининъ векиллери бильдирдилер ки, бу лейханынъ омюрге кечирилюви 2020 сенеден эрте олмаз.

Пайтахтта украинлер (экси москва шивесинде оларны «хохлы» деп, адлай эдилер) яшагъан ери акъкъында эм де Маросейкадан якъын ерде ерлешкен Хохловский аралыгъы хатырлата.

Маросейка
Маросейка ©РИА Новости
Къырым валы

Къырым ханынынъ эльчиханеси иле Къырым азбары XVII-XVIII асырларда Москва-река саилинде Татар слободасындан ве Ордынкадан бираз гъарбий тарафта, Земляной вал янында тура эди. Крымский Вал сокъагъы озю кеч пейда олды, 1820-сенелери, Земляной город сынъырлары йыкъылгъан сонъ. XIX асырнынъ сонъунадже бу ерде баарьде сув баскъаны себебинден, мында бир шей къурулмай эди.

О вакъыт сокъакъ дюльбер эвлери ве белли сакинлери иле макътанып оламай эди. Лякин мында Москванынъ энъ буюк ве намлы чёплюк обасы ерлеше эди. Бундан гъарй сокъакъ озь хамамлары иле белли эди, бу ерде бувланмакъ ве ювунмакъ ичюн бутюн шеэрден зенгин адамлар келе эдилер. XVIII асырнынъ сонъунда мында Москва-рекадан агъач копюр тикленильген эди.

1873 сене онынъ ерине демир Къырым копюри къурулды, оны 1938 сене янъы копюрге денъиштирдилер, бу копюр шимдигедже тура

Къырым валы ве онынъ сакинлери эписи Русиели инкъиляпларнынъ истексиз, амма фааль иштиракчилери эдилер. Биринджи рус инкъилябы девиринде сокъакъ баррикадалар иле сынъырлангъан эди. 1917 сене Октябрь инкъилябы девиринде Къырым валында къызыл орду аскерлери ерлеше эдилер, олар Замоскворечьеге киришини къорчалай эдилер.

Совет девиринде сокъакъ гъайрыдан тамирленди. 1923 сене чокъ йыллыкъ чёплюк обалары еринде Умумрусие кой ходжалыкъ ве санайи серги тешкиль этильди, ве сонъра, 1928 сене бу ерде Горький адына медениет багъчасы къурулды - бугунь Москвада бу энъ мот ве рагъбетли ерлерден биридир.

Слева: Центральный дом художника (ЦДХ), филиал Третьяковской галереи на Крымском валу; справа сверху: главный вход в Центральный парк культуры и отдыха имени М.Горького; справа внизу: центральный вход в парк скульптур «Музеон»Слева: Центральный дом художника (ЦДХ), филиал Третьяковской галереи на Крымском валу; справа сверху: главный вход в Центральный парк культуры и отдыха имени М.Горького; справа внизу: центральный вход в парк скульптур «Музеон»Справа: Центральный дом художника (ЦДХ), филиал Третьяковской галереи на Крымском валу; слева сверху: главный вход в Центральный парк культуры и отдыха имени М.Горького; слева внизу: центральный вход в парк скульптур «Музеон»
Онъдан: Меркзий рессам эви (ЦДХ), Къырым валында Третьяковская галереянынъ филиалы; солдан: Горький адына Меркезий медениет ве раатнанув багъчасынынъ баш кириши; «Музеон» эйкеллер багъчасына меркезий кириш ©РИА Новости. Маклакова Юлия

Къырым валы эм де ильхам бере. Горький багъчасынынъ къаршысында 1970-нджи сенелери бина къурулгъан эди, анда Третьяковская галереясынынъ экспозициялары, эм де серги заллары иле Меркезий рессам эви ерлешти.

Якъын ерде «Музеон» санат багъчасы ерлеше - Бу Русиеде ачыкъ авада эйкеллернинъ энъ буюк музейидир, мында эм де 1990-нджы сенелернинъ башында Москва сокъакъларындан алынгъан абиделер такъдим этиле. Сокъакъ бою тургъан иншаатларнынъ эписи совет девирине аит.

Крымский вал
Къырым валы ©РИА Новости
Гурджи слободасы

Гурджилер Москвагъа XVIII асырда келип башладылар. Олар мемлекетни запт эткен турклерден къача эдилер. Москвада исе эр вакъыт диндашларгъа къувана эдилер, эм де иш шеэрде эр кезге етерли эди. 1729 сене сонъра Гурджи слободасы пейда олгъан ерлер гурджи чары Вахтанг VI-ге багъшыш оларакъ эдие этильген эди.

Башында укюмдар Мясницкая сокъагъы районында яшап башлады, амма онынъ хызметчилери чокъ (3 бинъден зияде) олгъаны ичюн олар анда сыгъмай эдилер. Ве Юкъары гизли шуранынъ эмири иле 1729 сене декабрьнинъ 19-да «Гурджи чарына Вахтанггъа бу азбарны ве багъчаны бермек эмир этиле».

Император Петр II Гурджи слободасынынъ инкишафы ичюн 10 бинъ рубле айыргъан эди, бундан сонъ Москванынъ янъы сакинлери озь ватанынынъ миниатюрасыны яратмагъа тырышып, мында Гурджи сарайыны къурдылар.

Гурджи слободасы артты ве кенишледи, ве 1779 сене мында 73 гурджи азбары ве 24 рус ве эрмени азбары бар эди. Буюк ерни Багратионлар сюлялеси ала эди

1812 сене слобода янгъындан зарар корьмеди, демек мумкюн. XVIII асырнынъ орталарында онынъ территориясы Одоевский князьларгъа кечти. О вакъыт Гурджи слободасы ёкъ этильди.

Бугунь бу престиж районда гурджи аляметлери тек сокъакълар адларында къалды: Большая Грузинская ве Малая Грузинская сокъакълары, Грузинский Вал, Грузин аралыгъы, Грузин мейданы.

Эвель мында гурджилер топлу яшагъанлары акъкъында дигер шейлер де хатырлата. 1983 сене сабыкъ гурджи слободасы еринде, Тишинская мейданында, Георгиевский трактат, яни Русие империясы ве бирлешкен гурджи Картли-Кахети укюмдарлыгъы арасында Гурджистан Русие имаесине кечкени акъта мукъавеле имзаланывунынъ 200-йыллыгъына багъышлангъан абиде ачылгъан эди. «Дружба навеки» серлевалы монумент - бу буюк 42-метрлик колонна, о гурджи ве рус элифбелерининъ арифлеринден тертип этильген, бу арифлер «Мир», «Труд», «Единство», «Братство» киби сёзлерни тешкиль этелер.

Слева: храм Георгия Победоносца в Грузинах, духовный центр грузинской диаспоры в Москве; справа вверху: католический Собор Непорочного Зачатия Пресвятой Девы Марии; справа внизу: Биологический музей К.А.ТимирязеваСлева: храм Георгия Победоносца в Грузинах, духовный центр грузинской диаспоры в Москве; справа вверху: католический Собор Непорочного Зачатия Пресвятой Девы Марии; справа внизу: Биологический музей К.А.ТимирязеваСправа: храм Георгия Победоносца в Грузинах, духовный центр грузинской диаспоры в Москве; слева вверху: католический Собор Непорочного Зачатия Пресвятой Девы Марии; слева внизу: Биологический музей К.А.Тимирязева
Онъдан: Грузины деген ерде Георгий Победоносецнинъ ибадетханеси, Москвада гурджи диаспорасынынъ диний меркези; солдан: Собор Непорочное Зачатие Пресвятой Девы Марии адлы католик ибадетханеси; К.А.Тимирязев адына Биологик музей ©РИА Новости. Маклакова Юлия

Пайтахт гурджилери ичюн даа бир культ ер айванат багъчасынынъ янында ерлеше. овое для столичных грузин место находится по соседству с зоопарком. Грузины деген ерде Георгий Победоносецнинъ ибадетханеси, Москвада гурджи диаспорасынынъ диний меркези: онынъ территориясында гурджи тили эшитиле ве косьтергичлернинъ язылары учь тильде бериле (рус, гурджи ве инглис тиллеринде). Бильген адамлар айталар ки, мында Москвада энъ гузель аджар хачапурисини пиширелер.

Худжур корюнсе биле, амма Малая Грузинская сокъагъында эм де Русиеде энъ буюк католик ибадетханеси де ерлеше - бу Собор Непорочного Зачатия Пресвятой Девы Марии, якъын бир ерде исе - Тимирязев адына Девлет биологик музей. Онынъ бинасында эвель янъы рус услюпте къурулгъан Пётр Щукиннинъ рус къадимийликлери музейи ерлеше эди.

Грузинская слобода
Гурджи слободасы ©РИА Новости

Энди совет девиринде Москванынъ янъы районларында сокъакълар къардан халкъларнынъ джумхуриетлери ве шеэрлери шерефине адлана эдилер. Дженюбий-шаркъта Ташкентская сокъагъы ве аралыгъы, Ферганская сокъагъы ве Ферганский кечити пейда олды. Дженюпте - Алма-Ата сокъагъы, дженюбий-гъарпта - Вильнюсская сокъагъы ве Литовский бульвары ве чокъусы дигерлери яратылды. Бир къач асырдан сонъ Москва мусафрчен шеэр оларакъ къала, о башкъа шеэрлерден ве мемлекетлерден кельгенлерге къувана.